.png)
Беларуская чыгунка прадставіла свой патэнцыял на 27-ай Міжнароднай выставе «Трансрасія 2023» у Маскве
21 красавіка 2023
Выстава праходзіла ў горадзе Маскве (Расійская Федэрацыя) 17-19 красавіка 2023 года. «Трансрасія» на працягу многіх гадоў утрымлівае пазіцыі найбуйнейшага мерапрыемства ва Усходняй Еўропе па транспарце і лагістыцы.
Для Беларускай чыгункі галоўнай мэтай удзелу ў выставе была рэклама сваіх паслуг з мэтай прыцягнення дадатковых грузапатокаў, магчымасць прамога кантакту з патэнцыяльнымі кліентамі.
Спецыялісты беларускай магістралі правялі шэраг сустрэч з прадстаўнікамі чыгуначных транспартных і экспедытарскіх кампаній Расіі, Казахстана і Азербайджана, Індыі, Ірана і іншых краін па развіцці транзітных перавозак. Важную ўвагу надалі прэзентацыі кантэйнерных перавозак.
На стэндзе Беларускай чыгункі былі прадстаўлены інфармацыйна-рэкламныя матэрыялы аб паслугах магістралі, тэхнічнага і тэхналагічнага патэнцыялу перагрузачных магутнасцяў, тарыфнай палітыцы. Таксама свае магчымасці на выставе прадэманстравала дзяржаўнае прадпрыемства «Белінтэртранс – транспартна-лагістычны цэнтр Беларускай чыгункі».Інфармацыя падрыхтавана прэс-цэнтрам БЧ
