Беларуская чыгунка падвяла вынікі галіновага спаборніцтва за 2022 год

04 красавіка 2023

Беларуская чыгунка падвяла вынікі галіновага спаборніцтва і вызначыла лепшыя калектывы сярод аддзяленняў, унітарных прадпрыемстваў Беларускай чыгункі, структурных падраздзяленняў, даччыных прадпрыемстваў аддзяленняў БЧ за 2022 год. Адпаведнае рашэнне падпісана Начальнікам Беларускай чыгункі Уладзімірам Марозавым і старшынёй Аб'яднанай галіновай прафсаюзнай арганізацыі чыгуначнікаў і транспартных будаўнікоў Віктарам Какорай.

Галіновае спаборніцтва на Беларускай чыгунцы праводзіцца штогод у мэтах павышэння эфектыўнасці работы чыгуначнага транспарту, стымулявання вынікаў працы, забеспячэння бяспекі руху цягнікоў і аховы працы, зніжэння сабекошту перавозак, выканання прагнозных і планавых паказчыкаў.

Сярод аддзяленняў Беларускай чыгункі па выніках галіновага спаборніцтва за 2022 год пераможцам прызнаны калектыў Віцебскага аддзялення БЧ, другога месца ўдастоена Магілёўскае аддзяленне беларускай магістралі, трэцяе месца прысуджана Мінскаму аддзяленню чыгункі.

Сярод унітарных прадпрыемстваў першае месца ў галіновым спаборніцтве заняў калектыў дзяржаўнага прадпрыемства «Інстытут «Белчыгунпраект», 2 месца — калектыў УП «БЕЛЖЕЛДОРСНАБ», 3 месца прысуджана калектыву РУП «Галоўны разліковы інфармацыйны цэнтр» БЧ.

Сярод структурных падраздзяленняў, даччыных прадпрыемстваў аддзяленняў БЧ вызначана 19 пераможцаў галіновага спаборніцтва за 2022 год. Гэта калектывы:

• станцыі Мінск-сартавальны Мінскага аддзялення Беларускай чыгункі;

• станцыі Калінкавічы Гомельскага аддзялення Беларускай чыгункі;

• станцыі Калядзічы Мінскага аддзялення Беларускай чыгункі;

• станцыі Жабінка Брэсцкага аддзялення Беларускай чыгункі;

• лакаматыўнага дэпо Калінкавічы Гомельскага аддзялення Беларускай чыгункі;

• Гомельскай базы (транспартнай) Гомельскага аддзялення Беларускай чыгункі;

• Асіповіцкага вагоннага дэпо Магілёўскага аддзялення Беларускай чыгункі;

• Баранавіцкага вагоннага дэпо Баранавіцкага аддзялення Беларускай чыгункі;

• Бабруйскай дыстанцыі пуці Магілёўскага аддзялення Беларускай чыгункі;

• Брэсцкай дыстанцыі ахоўных лесанасаджэнняў Брэсцкага аддзялення Беларускай чыгункі;

• Брэсцкай дыстанцыі сігналізацыі і сувязі Брэсцкага аддзялення Беларускай чыгункі;

• Аршанскай дыстанцыі электразабеспячэння Мінскага аддзялення Беларускай чыгункі;

• Віцебскгрузсэрвіс Віцебскага аддзялення Беларускай чыгункі;

• Гомельскага вагоннага ўчастка Гомельскага аддзялення Беларускай чыгункі;

• вакзала станцыі Гомель Гомельскага аддзялення Беларускай чыгункі;

• Аршанскай дыстанцыі грамадзянскіх збудаванняў Мінскага аддзялення Беларускай чыгункі;

• аддзела матэрыяльна-тэхнічнага забеспячэння Мінскага аддзялення Беларускай чыгункі;

• культурна-спартыўнага цэнтра Баранавіцкага аддзялення Беларускай чыгункі;

• санаторыя «Магістральны» Баранавіцкага аддзялення Беларускай чыгункі.

  Сярод сельскагаспадарчых арганізацый БЧ пераможцам прызнаны калектыў дзяржаўнага прадпрыемства «Улішыцы-Агра».

  Калектыў Гродзенскага філіяла дзяржаўнага прадпрыемства «БТЛЦ» стаў лепшым сярод адасобленых структурных падраздзяленняў (філіялаў) Дзяржаўнага прадпрыемства «БТЛЦ».

  Інфармацыя падрыхтавана прэс-цэнтрам БЧ