Павышаючы кліентаарыентаванасць. Адбылася рабочая сустрэча Беларускай чыгункі, АТ «РЖД Лагістыка» і беларускіх грузаадпраўшчыкаў
02 лютага 2023
31 студзеня 2023 года ва Упраўленні БЧ адбылася рабочая сустрэча Беларускай чыгункі, АТ «РЖД Лагістыка» з беларускімі арганізацыямі-грузаадпраўшчыкамі.
Дэлегацыю беларускай магістралі ўзначаліў першы намеснік Начальніка Беларускай чыгункі Пётр Дулуб, дэлегацыю АТ «РЖД Лагістыка» – генеральны дырэктар кампаніі Дзмітрый Мураў. Таксама ў сустрэчы прыняло ўдзел кіраўніцтва Дзяржаўнага прадпрыемства «Белінтэртранс – транспорна-лагістычны цэнтр» Беларускай чыгункі і прадстаўнікі грузаадпраўшчыкаў – беларускіх арганізацый лясной, машынабудаўнічай, нафтаперапрацоўчай, харчовай і іншых галін.
Бакі абмеркавалі пытанні развіцця перавозак па міжнародным транспартным калідоры «Поўнач – Поўдзень» і праз парты Расійскай Федэрацыі. Як было адзначана на мерапрыемстве, кардынальнае змяненне сітуацыі на транспартным рынку ў 2022 годзе патрабуе ад усіх удзельнікаў перавозачнага працэсу актыўнага пошуку новых транспартна-лагістычных рашэнняў.
У ходзе рабочай сустрэчы АТ «РЖД Лагістыка» былі прадстаўлены новыя маршруты і сэрвісы ў рамках калідора «Поўнач – Поўдзень», што дазваляе пашырыць магчымасці беларускіх прадпрыемстваў па арганізацыі экспарту сваёй прадукцыі. У зносінах з прадстаўнікамі бізнес-супольнасці чыгуначнікі падкрэслілі гатоўнасць да далейшай дэталёвай прапрацоўкі кожнай лагістычнай схемы, а таксама заклікалі грузаадпраўшчыкаў больш актыўна задзейнічаць прадстаўленыя маршруты калідора «Поўнач – Поўдзень» для павелічэння аб'ёмаў перавозак і пашырэння геаграфіі паставак сваёй прадукцыі.
Кліентаарыентаванасць з'яўляецца адным з асноўных прыярытэтаў Беларускай чыгункі пры арганізацыі міжнародных перавозак грузаў, аказанні дапамогі грузаўладальнікам у распрацоўцы новых варыянтаў узаемадзеяння і развіцця дадатковых магчымасцяў транспартнай лагістыкі.
Інфармацыя падрыхтавана прэс-цэнтрам БЧ