На Беларускай чыгунцы працягваецца прыём работ на конкурс маладзёжных ініцыятыў

17 лютага 2023

У конкурсе маладзёжных ініцыятыў могуць прыняць удзел прадстаўнікі працоўнай моладзі арганізацый і адасобленых структурных падраздзяленняў Беларускай чыгункі ва ўзросце да 31 года ўключна, а таксама навукова-вытворчыя маладзёжныя калектывы.

Дадзены конкурс арганізаваны на беларускай магістралі ў мэтах рэалізацыі дзяржаўнай маладзёжнай палітыкі, выяўлення інтэлектуальных і творчых здольнасцяў моладзі, пастаяннага павышэння яе прафесійнага ўзроўня, а таксама ўкаранення на БЧ інавацыйных ідэй і праектаў, якія прадстаўляюць практычную цікавасць.

Нагадваем, што творчае спаборніцтва праводзіцца ў 8 намінацыях: «Лепшая маладзёжная ініцыятыва, накіраваная на павышэнне бяспекі руху цягнікоў», «Лепшая маладзёжная ініцыятыва, накіраваная на паляпшэнне ўмоў перавозкі грузаў і пасажыраў», «Лепшая маладзёжная ініцыятыва, накіраваная на павышэнне прадукцыйнасці працы і рацыянальнае выкарыстанне працоўных рэсурсаў», «Лепшая маладзёжная ініцыятыва, накіраваная на эканомію паліўна-энергетычных і матэрыяльных рэсурсаў», «Лепшая маладзёжная ініцыятыва, накіраваная на забеспячэнне аховы навакольнага асяроддзя», «Лепшая маладзёжная ініцыятыва, накіраваная на паляпшэнне ўмоў і аховы працы на вытворчасці», «Лепшая маладзёжная ініцыятыва, накіраваная на аўтаматызацыю і механізаванне вытворчых працэсаў», «Лепшая маладзёжная ініцыятыва, накіраваная на лічбавую трансфармацыю вытворчых працэсаў».

Работы можна прадставіць ва Упраўленне Беларускай чыгункі не пазней за 1 сакавіка 2023 года.

Маладзёжная ініцыятыва павінна змяшчаць электронную візітку і кароткае апісанне (мэты і задачы, аналіз узнятай праблемы, вынікі даследаванняў і (або) апісанне практычных распрацовак, рэалізацыя задумы, а таксама адпаведныя дадаткі (фота - і відэаматэрыялы, графікі, табліцы, мультымедыйныя прэзентацыі і інш., аформленыя ў адвольнай форме).

Запрашаем маладых і ініцыятыўных работнікаў Беларускай чыгункі прыняць актыўны ўдзел у конкурсе!

Інфармацыя падрыхтавана прэс-цэнтрам БЧ