Больш за 1 мільён пасажыраў Беларуская чыгунка перавезла ў зносінах з Расійскай Федэрацыяй за 6 месяцаў 2022 года

06 ліпеня 2022

Па выніках работы за студзень-чэрвень 2022 года аб'ём перавозак пасажыраў у зносінах з Расійскай Федэрацыяй з улікам транзітных цягнікоў склаў 1 млн 100 тысяч пасажыраў, гэта ў 2,2 разы вышэй за ўзровень перавозак за першыя 6 месяцаў 2021 года.

У тым ліку ў прамых зносінах Беларусь-Расія-Беларусь перавезена больш за 1 мільён 5 тысяч пасажыраў, гэта ў 2,4 разы вышэй за аналагічны перыяд 2021 года. Таксама трэба адзначыць, што міжнародныя пасажырскія перавозкі паміж Рэспублікай Беларусь і Расійскай Федэрацыяй на 5% перавысілі ўзровень аналагічнага перыяду дапандэмійнага 2019 года.

У цяперашні час у зносінах Беларусь-Расія курсіруе 15 пар цягнікоў міжнародных ліній, з якіх 9 пар цягнікоў фарміравання Беларускай чыгункі і 6 пар цягнікоў – Расійскіх чыгунак. У цэлым, паміж Рэспублікай Беларусь і Расійскай Федэрацыяй арганізаваны рэгулярныя пасажырскія зносіны ў напрамку Масквы, Санкт-Пецярбурга, Анапы, Адлера, Калінінграда, Мурманска, у тым ліку з арганізацыяй шматгрупных цягнікоў.

Інфармацыя падрыхтавана прэс-цэнтрам БЧ