6 ліпеня 2022 года адбыўся фінал чыгуначнага конкурсу «Міс майстэрства і зачараванне» сярод праваднікоў пасажырскіх вагонаў Беларускай чыгункі

07 ліпеня 2022

У гэтым годзе конкурс «Міс майстэрства і зачараванне» прайшоў у рамках мерапрыемстваў, прысвечаных 160-годдзю Беларускай чыгункі, якое сталёвая магістраль адзначыць 27 снежня 2022 года і Года гістарычнай памяці.

У конкурсе прынялі ўдзел шэсць праваднікоў пасажырскіх вагонаў Беларускай чыгункі – усе яны сталі пераможцамі адборачных тураў на сваіх аддзяленнях.

Конкурс праводзіўся ў 6 этапаў. Расказаць пра сябе, сваёй рабоце і захапленнях удзельніцы змаглі на этапе «Будзем знаёмы».

На другім этапе «Усе грані майстэрства» ўдзельніцы павінны былі прафесійна ацаніць сітуацыі, разыграныя артыстамі. Акрамя разбору памылак у рабоце правадніка ад уважлівага погляду дзяўчат не скрыліся невялікія недахопы ў элементах формы і нават яркі манікюр актрысы – правадніцы.

На этапе «Інтэлект-батл» ад удзельніц спатрэбілася адказаць на 12 пытанняў па тэмах 160-годдзя Беларускай чыгункі, Года гістарычнай памяці, культурнай спадчыны Беларусі.

Наступным выпрабаваннем стала прэзентацыя паштовак, прысвечаных 160-годдзю Беларускай чыгункі. Адзначым, што ўсе ўдзельніцы падышлі да задання творча – адны зрабілі ўпор на шматколерныя калажы, іншыя дапаўнялі лаканічнасць малюнка натхняльнай падачай аўтарскіх вершаў, трэція здзівілі канцэптуальнасцю задумкі. Акрамя ацэнак журы дзяўчыны змаглі зарабіць ад 1 да 3 дадатковых балаў па выніках інтэрнэт-галасавання ў афіцыйным тэлеграм-канале Беларускай чыгункі «БЧ. Official» – усяго свае галасы ў падтрымку канкурсантак анлайн аддалі амаль 6000 чалавек.

Традыцыйна яркім завяршэннем конкурсу сталі этап мастацкай самадзейнасці «Творчы вернісаж» і дэфіле ў вячэрніх сукенках.

Па выніках этапаў конкурсу і па суме набраных балаў карону «Міс майстэрства і зачараванне» ўручылі Алене Якушэнка, правадніку Мінскага вагоннага ўчастка, а звання віцэ-міс удастоена Лізавета Сілівец, праваднік Гомельскага вагоннага ўчастка. Акрамя таго перамогу ў намінацыі «Міс арыгінальнасць» атрымала Марына Цярэнцьева, праваднік Віцебскага вагоннага ўчастка, званне «Міс абаянне» дасталася Іне Пракаповіч, правадніку Брэсцкага вагоннага ўчастка, перамогу ў намінацыі «Міс грацыя» святкавала Вераніка Запольская, праваднік Магілёўскага вагоннага ўчастка, «Міс зачараванне» стала Аліна Асаніна, праваднік Баранавіцкага вагоннага ўчастка.

Усім удзельніцам уручылі дыпломы, букеты кветак, дыядэмы і каштоўныя прызы.

Інфармацыя падрыхтавана прэс-цэнтрам БЧ