Беларуская чыгунка ў перыяд майскіх свят перавезла больш за 2 мільёны пасажыраў
11 мая 2022
З 29 красавіка па 9 мая 2022 года Беларуская чыгунка перавезла больш за 2 мільёны 190 тысяч пасажыраў. Гэта на 16,5% больш, чым за аналагічны перыяд мінулага года.
Звыш 119 тысяч пасажыраў у святочныя дні здзейснілі падарожжа цягнікамі міжнародных ліній у зносінах Беларусь-Расія-Беларусь. Унутры краіны цягнікі міжрэгіянальных ліній і рэгіянальных ліній бізнес-класа перавезлі 314 тысяч пасажыраў. Паслугамі цягнікоў рэгіянальных ліній эканомкласа скарысталіся больш за 1 мільён 653 тысячы пасажыраў, а цягнікі гарадскіх ліній перавезлі амаль 103 тысячы пасажыраў.
Усе віды перавозак у дні майскіх святаў паказалі рост у адносінах да аналагічнага перыяду 2021 года, пры гэтым найбольшую дынаміку мелі цягнікі міжнародных ліній (76,8%) і гарадскіх ліній (19,6%).
Найбольш запатрабаванымі ў насельніцтва былі цягнікі міжрэгіянальных ліній бізнес-класа, якія курсіруюць паміж Мінскам і абласнымі цэнтрамі рэспублікі.
Інфармацыя падрыхтавана прэс-цэнтрам БЧ
Да спісу навін за 2022 год