Беларуская чыгунка заклікае грамадзян выконваць правілы бяспекі на аб'ектах чыгуначнага транспарту

25 мая 2020

Напярэдадні школьных летніх канікул БЧ звяртаецца да ўсіх школьнікаў і іх бацькоў з просьбай выконваць правілы бяспекі на аб'ектах чыгуначнага транспарту. Не пакідаць дзяцей адных і не дазваляць ім гуляць паблізу чыгуначных пуцей, не хадзіць па чыгуначных пуцях, не перабягаць іх у неўстаноўленых месцах. Таксама забараняецца знаходзіцца ў стане алкагольнага ап'янення паблізу чыгуначных пуцей, перабягаць пуці перад цягніком, які надыходзіць, прыгаць з платформаў, падлазіць пад рухомы састаў, катацца на кабінах і дахах маторвагоннага рухомага саставу і лакаматываў, класці на пуці староннія прадметы, кідаць камяні ў рухомы састаў, які рухаецца, карыстацца паблізу чыгуначнага палатна навушнікамі і размаўляць па мабільным тэлефоне.

Работа па папярэджанні няшчасных выпадкаў з удзелам непаўналетніх на аб'ектах чыгуначнага транспарту праводзіцца на Беларускай чыгунцы рэгулярна. Арганізуюцца прафілактычныя акцыі, падчас якіх праводзяцца рэйды, тэматычныя гутаркі ва ўстановах адукацыі і на прадпрыемствах.

Адной з дзейсных мер па папярэджанні знаходжання дзяцей на аб'ектах чыгуначнага транспарту таксама з'яўляецца выкарыстанне мабільнага дадатку «Беражыся поезда – SafeTrain», распрацаванага для прымянення ў Рэспубліцы Беларусь расійскімі чыгуначнікамі па просьбе Міністэрства ўнутраных спраў нашай краіны. З дапамогай дадзенага мабільнага дадатку блакіруецца ўвесь медыякантэнт на смартфоне дзіцяці пры набліжэнні яго да чыгуначных пуцей, а таксама апавяшчаюцца бацькі. Дадатак даступны для запампоўкі на Google Play.

Нягледзячы на меры, з пачатку года на чыгуначным транспарце адбылося 33 выпадкі невытворчага траўматызму, што на 3 выпадкі менш, чым за аналагічны перыяд 2019 года. Пацярпела 33 чалавекі (2 з іх — непаўналетнія): загінула 23 грамадзяніна і 10 траўміравана. Парадку 42% пацярпелых знаходзіліся на аб'ектах чыгуначнага транспарту ў стане алкагольнага ап'янення.

Асноўнай прычынай няшчасных выпадкаў па-ранейшаму застаецца ігнараванне грамадзянамі элементарных мер бяспекі.

Нагадваем, што чыгунка — гэта крыніца падвышанай небяспекі. Захаванне простых правіл можа выратаваць жыццё вам і вашым блізкім.

Інфармацыя падрыхтавана прэс-цэнтрам БЧ