Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language

27 чэрвеня на Беларускай чыгунцы пройдзе «Адзіны дзень пасажыра», а на сталічным вакзале выступіць Прэзідэнцкі аркестр Рэспублікі Беларусь

26 чэрвеня 2019

«Адзіны дзень пасажыра» пройдзе 27 чэрвеня на чыгуначных вакзалах: у Мінску, Брэсце, Баранавічах, Гродна, Гомелі, Магілёве, Віцебску, Оршы з 14.00 да 17.00 гадзін.

Зносіны з пасажырамі ў дадзеным фармаце Беларуская чыгунка праводзіць з 2015 года ў мэтах вывучэння меркавання спажыўцоў транспартных паслуг, забеспячэння зваротнай сувязі з пасажырамі, выпрацоўцы эфектыўных мер, накіраваных на павышэнне якасці абслугоўвання пасажыраў. Гэта яшчэ адна магчымасць абмеркаваць пытанні, звязаныя з ажыццяўленнем перавозак пасажыраў чыгуначным транспартам агульнага карыстання ў сталіцы і рэгіёнах. У рамках правядзення мерапрыемства пасажыры змогуць задаваць спецыялістам беларускай магістралі пытанні вусна, а таксама пакінуць свае пытанні пісьмова.

Беларуская чыгунка адкрыта для зносін з пасажырамі і гатова выслухаць усе пажаданні і прапановы.

«Адзіны дзень пасажыра» спрыяе далейшаму развіццю пасажырскіх перавозак і дазваляе скараціць колькасць тых пытанняў, якія паступаюць . Так, у 2015 годзе, пры правядзенні мерапрыемства на працягу года паступіла 368 пытанняў, у 2016 — 221, у 2017 — 217 пытанняў, у 2018 годзе — 110 пытанняў.

Таксама эфектыўнаму ўзаемадзеянню з кліентамі спрыяе праца Кантакт-цэнтра Беларускай чыгункі. Адзіны канал прадстаўлення інфармацыі даведачнага характару, па правілах перавозак і аказваемых паслугах праводзіцца кругласутачна па тэл. 105.

Акрамя таго, Беларускай чыгункай уведзены тэлефонны нумар 151, па якім таксама кругласутачна ажыццяўляецца інфармацыйная падтрымка дыстанцыйных каналаў продажу праязных дакументаў (праз інтэрнэт), фізічна аслабленых асоб, аказанне дапамогі ў урэгуляванні нестандартных сітуацый пры атрыманні пасажырамі паслуг чыгуначнага транспарту.

Нагадаем, 27 чэрвеня на вакзале станцыі Мінск-Пасажырскі пройдзе канцэрт Прэзідэнцкага аркестра Рэспублікі Беларусь пад кіраўніцтвам заслужанага артыста Беларусі Віктара Бабарыкіна.

Сумесны музычны праект Беларускай чыгункі і славутага калектыву прымеркаваны да Дня Незалежнасці і 75-й гадавіне вызвалення Рэспублікі Беларусь ад нямецка-фашысцкіх захопнікаў.

На працягу гадзіны з 13.00 да 14.00 у зале чакання на трэцім паверсе вакзала для ветэранаў Вялікай Айчыннай вайны і працы, работнікаў беларускай магістралі, пасажыраў, гасцей і жыхароў сталіцы ў выкананні Прэзідэнцкага аркестра Рэспублікі Беларусь прагучаць мелодыі ваенных гадоў і вядомыя кампазіцыі нашага часу.

Інфармацыя падрыхтавана прэс-цэнтрам БЧ

Да спісу навін за 2019 год