Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

На Беларускай чыгунцы завяршылася акцыя «Дзеці і бяспека»

13 лістапада 2018

Беларуская чыгунка падвяла вынікі акцыі «Дзеці і бяспека», якая праводзілася ў час восеньскіх школьных канікул. З 23 кастрычніка па 8 лістапада работнікамі БЧ сумесна з членамі грамадскіх фарміраванняў, супрацоўнікамі органаў унутраных спраў былі арганізаваны рэйды, падчас якіх надавалася асаблівая ўвага дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова інфармавалі аб мерах бяспекі пры знаходжанні на аб'ектах чыгуначнага транспарту, праведзена тлумачальна-прафілактычная работа ў працоўных калектывах прадпрыемстваў і ва ўстановах адукацыі. У акцыі прынялі ўдзел усе аддзяленні Беларускай чыгункі.

У рамках акцыі работнікамі ваенізаванай аховы БЧ арганізаваны 245 рэйдаў. Выяўлены і выведзены ў бяспечныя месцы 39 непаўналетніх, якія знаходзіліся на аб'ектах чыгункі без суправаджэння бацькоў ці дарослых. З 2 непаўналетнімі, якія знаходзіліся на чыгуначных пуцях у слухаўках і размаўлялі па сотавых тэлефонах, праведзены прафілактычныя гутаркі. З зоны падвышанай небяспекі выдалены 4 чалавекі, якія знаходзіліся ў стане алкагольнага ап'янення.

Акрамя таго, спецыялістамі БЧ былі праведзены 76 выступленняў у працоўных калектывах і ўстановах адукацыі па пытаннях выканання правілаў бяспекі на чыгуначным транспарце. У іх прынялі ўдзел 2672 чалавекі, 1958 з якіх - непаўналетнія.

За 10 месяцаў гэтага года на Беларускай чыгунцы адбылося 95 выпадкаў невытворчага траўматызму, што на 11 выпадкаў менш, чым за аналагічны перыяд мінулага года (з 106 да 95), колькасць пацярпелых скарацілася на 12 чалавек (з 109 да 97), сярод якіх - 6 непаўналетнія.

У стане алкагольнага ап'янення пацярпелі 40 чалавек. Гэта каля 42% ад агульнай колькасці пацярпелых. Таксама зафіксаваныя 2 выпадкі траўміравання токам кантактнай сеткі.

Асноўнай прычынай няшчасных выпадкаў па-ранейшаму застаецца ігнараванне людзьмі элементарных мер бяспекі. У прыватнасці, знаходжанне ў зоне падвышанай небяспекі ў стане алкагольнага ап'янення, размовы па мабільным тэлефоне, знаходжанне ў слухаўках пры пераходзе чыгуначных пуцей, парушэнне вадзіцелямі правілаў дарожнага руху пры перасячэнні чыгуначных пераездаў, самавольнае ўзняцце на дах вагонаў і г. д.

Беларуская магістраль надае вялікае значэнне забеспячэнню бяспекі на аб'ектах чыгуначнага транспарту.

У мэтах прафілактыкі траўміравання непаўналетніх і недапушчэння транспартных правапарушэнняў БЧ рэгулярна праводзіць тэматычныя акцыі і рэйды на аб'ектах чыгуначнага транспарту.

Акрамя таго, з мэтай забеспячэння грамадскага парадку і папярэджання правапарушэнняў на Беларускай чыгунцы дзейнічаюць добраахвотныя дружыны, якія ахопліваюць 117 арганізацый БЧ і іх адасобленых структурных падраздзяленняў, агульная колькасць членаў у якіх складае больш за 800 чалавек.

Таксама ў студзені—кастрычніку 2018 года работнікамі БЧ ажыццёўлены значны аб'ём тлумачальна-прафілактычнай работы: праведзена 751 выступленне ў працоўных калектывах і ва ўстановах адукацыі па пытаннях выканання правілаў бяспекі на чыгуначным транспарце, якімі ахоплены больш за 24701 грамадзяніна, з якіх больш за 19608 — непаўналетнія. На вакзалах, у пасажырскіх цягніках арганізавана дадатковае інфармаванне грамадзян аб мерах бяспекі пры знаходжанні на аб'ектах чыгуначнага транспарту, работнікамі дарогі распаўсюджаныя больш за 11 тыс. прафілактычных памятак і ўлётак.

Беларуская чыгунка заклікае грамадзян быць больш уважліва на аб'ектах чыгуначнага транспарту і нагадвае аб адміністрацыйнай адказнасці за парушэнне правілаў пераходу чыгуначных пуцей або знаходжанні на іх у неналежным месцы.

Інфармацыя падрыхтавана прэс-цэнтрам БЧ

Да спісу навін за 2018 год