Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Беларуская чыгунка прыме ўдзел у мерапрыемствах Беларускага транспартнага тыдня

20 верасня 2018

Беларуская чыгунка прыме ўдзел у XII Міжнароднай спецыялізаванай выставе «Транспарт і лагістыка-2018» і шэрагу дзелавых мерапрыемстваў па асноўных напрамках развіцця транспартна-лагістычнай сістэмы Рэспублікі Беларусь, якія пройдуць у Мінску з 2 па 4 кастрычніка.

У адпаведнасці з актуальнымі агульнасусветнымі тэндэнцыямі і нацыянальнымі прыярытэтамі Рэспублікі Беларусь, у 2018 годзе галоўнай тэмай Беларускага транспартнага тыдня вызначана стратэгія лічбавай трансфармацыі транспартна-лагістычнага комплексу Рэспублікі Беларусь.

Ключавой тэмай удзелу Беларускай чыгункі (БЧ) у міжнароднай галіновай падзее года таксама стане лічбавая трансфармацыя беларускай магістралі і яе ўклад у эканоміку краіны.

На адной пляцоўцы з Беларускай чыгункай размесціцца стэнд дзяржаўнага прадпрыемства «БЕЛІНТЭРТРАНС - транспартна-лагістычны цэнтр» (БТЛЦ) Беларускай чыгункі. Плануецца інтэрактыўная прэзентацыя аб аказваемых паслугах, геаграфіі абслугоўвання кліентаў з улікам наяўнай сеткі філіялаў і таварыстваў, заснаваных за мяжой, перспектыўных напрамках развіцця транспартна-экспедыцыйнай дзейнасці.

Беларуская чыгунка прыме ўдзел у розных мерапрыемствах форуму — у пленарным пасяджэнні «Стратэгія лічбавай трансфармацыі транспартна-лагістычнай сістэмы Рэспублікі Беларусь», міжнародных канферэнцыях «Ад устойлівай мабільнасці да разумным гарадам» і «Транспартная работа на пасажырскім транспарце: новыя магчымасці развіцця сацыяльна значных перавозак», рабоце круглага стала «Стварэнне адзінай давернай інфармацыйнай прасторы міжнародных ланцугоў паставак». Таксама ў спецыялізаваных семінарах: «Бяспека транспартнай дзейнасці:тэндэнцыі і перспектывы», «Кантэйнерызацыя і мультымадальныя перавозкі» і «Інфармацыйныя мадэлі і аўтаматызацыя кіравання бізнэс-працэсамі ў транспартна-лагістычнай галіне» на якіх будуць абмяркоўвацца надзённыя праблемы і перспектывы развіцця галіны. На пленарным пасяджэнні ад БЧ прадугледжаны даклад на тэму «Перспектывы лічбавай трансфармацыі Беларускай чыгункі».

На спецыялізаваных семінарах спецыялісты БЧ правядуць шэраг прэзентацый.

Прадставяць удзельнікам і гасцям выставы стратэгію развіцця інфармацыйна-кіруючых сістэм Беларускай чыгункі. А таксама аўтаматызаваных сістэм уласных распрацовак Канструктарска-тэхнічнага цэнтра (КТЦ) Беларускай чыгункі. Адметнай асаблівасцю распрацоўваемых КТЦ сістэм з'яўляецца прадуманае цеснае ўзаемадзеянне асобных аўтаномных элементаў, якое дазваляе дасягнуць максімальнай эфектыўнасці пры аўтаматызацыі, чаго практычна немагчыма дасягнуць пры выкарыстанні сістэм розных распрацоўшчыкаў.

Асаблівая ўвага будзе нададзена тэме кантэйнерных перавозак. Дзяржаўнае прадпрыемства «БТЛЦ» Беларускай чыгункі прадставіць прэзентацыю на тэму: Актуальныя пытанні развіцця кантэйнерных перавозак і аказання транспартна-лагістычных паслуг па арганізацыі экспартных паставак беларускай прадукцыі на кітайскі рынак».

Таксама адбудзецца прэзентацыя інфармацыйнага суправаджэння пасажырскіх перавозак. Сёння на Беларускай чыгунцы ўкаранёна цэнтралізаваная сістэма продажу і ўліку праязных дакументаў (білетаў) на цягнікі з ненумераванымі месцамі, тэхналогія электроннага праязнога дакумента (білета) для цягнікоў гарадскіх ліній і рэгіянальных ліній эканомкласа. Развіваецца сетка тэрміналаў самаабслугоўвання, аўтаматызаваная сістэма аплаты і кантролю праезду на аснове бескантактных смарт-карт на цягніках гарадскіх ліній, а таксама сістэма продажу білетаў праз Інтэрнэт і інш напрамкі.

Беларуская чыгунка ў рамках работы Беларускага транспартнага тыдня арганізуе шэраг мерапрыемстваў, накіраваных на прыцягненне новых грузапатокаў і павышэння прывабнасці чыгуначных перавозак. У мэтах далейшага прасоўвання беларускіх тавараў на знешнія рынкі прадугледжаны шэраг сустрэч з прадстаўнікамі чыгуначных адміністрацый краін СНД і Балтыі, прадпрыемстваў Рэспублікі Беларусь і іншымі дзелавымі партнёрамі.

Інфармацыя падрыхтавана прэс-цэнтрам БЧ

Да спісу навін за 2018 год