Сёння ў Мінску адкрылася 62 пасяджэнне Савета па чыгуначным транспарце дзяржаў-удзельніц Садружнасці

20 мая 2015

Як адзначыў, адкрываючы мерапрыемства, старшыня Савета па чыгуначным транспарце дзяржаў-удзельніц Садружнасці, прэзідэнт ААТ «РЖД» Уладзімір Якунін, сімвалічна, што ў гэтым годзе пасяджэнне Савета праводзіцца ў год 70 годдзя Перамогі ў Вялікай Айчыннай вайне, і задачай нашага транспартнага згуртавання з'яўляецца захаваць мір. Уладзімір Якунін выказаў падзяку Беларускай чыгунцы, якая з'яўляецца арганізатарам пасяджэння Савета ужо шосты раз, за ​​высокі ўзровень падрыхтоўкі і правядзення мерапрыемства.

Ад імя Урада Беларусі ўдзельнікаў пасяджэння Савета павітаў намеснік Прэм'ер-міністра Беларусі Анатоль Калінін. «Вы, чыгуначнікі, пастаянна трымаеце высокі ўзровень якасці працы і з'яўляецеся лакаматывам развіцця эканомікі, — адзначыў Анатоль Калінін. — Урадам Рэспублікі Беларусь надаецца вялікая ўвага рэалізацыі маштабных інфраструктурных праектаў, развіццю транспартна-лагістычнага комплексу, інтэграцыі чыгункі ў міжнародную транспартную сістэму. Са стварэннем Адзінай эканамічнай прасторы ўзрастае значнасць Беларусі як транзітнага моста паміж Еўропай і Азіяй. У рамках АЭП ужо зняты ўсе ўнутраныя мытныя бар'еры, праведзена ўніфікацыя грузавых чыгуначных тарыфаў».

Намеснік Прэм'ер-міністра Беларусі падкрэсліў, што новыя задачы ставяць сучасныя рэгіянальныя і глабальныя інтэграцыйныя працэсы, развіццё міжнароднага гандлю, рост тавараабароту паміж Еўрапейскім саюзам і краінамі Азіяцка-Ціхаакіянскага рэгіёну. Гэта задачы ўмацавання агульнай транспартнай прасторы, выпрацоўкі адзіных падыходаў да мадэрнізацыі чыгуначнай інфраструктуры, ўкаранення сучасных лагістычных схем, падрыхтоўкі прафесійных кадраў.

Начальнік Беларускай чыгункі Уладзімір Марозаў, звяртаючыся да ўдзельнікаў пасяджэння Савета, адзначыў, што цяперашняя сустрэча ў Мінску з'яўляецца выдатнай магчымасцю прадоўжыць прафесійны дыялог і стварыць аснову для далейшага ўзаемадзеяння. Ён падкрэсліў, што сёння разам з грузавымі перавозкамі стратэгічна значным з'яўляецца рашэнне праблем чыгуначных міжнародных пасажырскіх зносін. «Нам неабходна выпрацаваць алгарытм дзеянняў, які дазволяць прыцягнуць пасажыраў на чыгуначны транспарт і пабудаваць прыбытковы бізнэс», — сказаў Уладзімір Марозаў. Ён таксама адзначыў, што для забеспячэння бесперашкоднага курсіравання вагонаў па сетцы чыгунак каляі 1520 мэтазгодна сфармаваць пазіцыю Савета па пытанні правядзення ўзгодненай палітыкі ў галіне тэхнічнага рэгулявання ў частцы прымянення тэхрэгламентаў, зацверджаных Камісіяй Мытнага саюза.

Начальнік Беларускай чыгункі праінфармаваў удзельнікаў пасяджэння Савета аб развіцці БЧ на сучасным этапе, праектах якія ею рэалізуюцца і супрацоўніцтве з замежнымі чыгуначнымі адміністрацыямі. У тым ліку было адзначана, што доля міжнародных перавозак па Беларускай чыгунцы складае больш за 70% і пастаянна павялічваецца. Аб'ёмы пагрузкі як на экспарт, так і для перавозкі ўнутры краіны, дарога забяспечвае на ўзроўні, які перавышае 200 тыс. тон у суткі. Дзякуючы ўзгодненым дзеянням чыгуначных адміністрацый у рамках Савета БЧ на працягу ўжо больш за два дзесяцігоддзі атрымоўваецца забяспечыць перавозку ўсіх грузаў, што прад'яўляюцца да пагрузцы прадпрыемствамі Беларусі, і дастаўку іх заказчыкам. Найбольшыя аб'ёмы грузавых перавозак у міжнародных зносінах Беларуская чыгунка ажыццяўляе ў зносінах з Расіяй — 47%, Латвіяй — 20%, Літвой — 15% і Украінай — 9,5%.

З прывітальным словам да ўдзельнікаў пасяджэння Савета звярнуўся старшыня Выканаўчага камітэта — Выканаўчы сакратар Садружнасці Незалежных Дзяржаў Сяргей Лебедзеў, які адзначыў, што дадзенае мерапрыемства з'яўляецца знакавай падзеяй для развіцця транспартнага супрацоўніцтва.

62 пасяджэнне Савета па чыгуначным транспарце дзяржаў-удзельніц Садружнасці праходзіць у Мінску ў гатэлі «Рэнесанс Мінск» 20-21 траўня.

У адкрыцці пасяджэння прынялі ўдзел старшыня Дырэкцыі Савета па чыгуначным транспарце дзяржаў-удзельніц Садружнасці Пётр Кучарэнка, міністр транспарту і камунікацый Беларусі Анатоль Сівак, члены Савета — кіраўнікі чыгуначных адміністрацый Беларусі, Расіі, Казахстана, Азербайджана, Арменіі, Кіргізскай Рэспублікі, Малдовы, Таджыкістана, Туркменістана, Узбекістана, Украіны і іншых чыгуначных адміністрацый.

Парадкам дня 62-га пасяджэння Савета прадугледжаны разгляд 12 пытанняў, якія вызначаюць каардынацыю дзеянняў чыгунак Садружнасці па арганізацыі міжнародных перавозак пасажыраў і грузаў, сумесным выкарыстанні парка грузавых вагонаў і кантэйнераў, вядзенню ўзаемаразлікаў за перавозкі і аказаныя паслугі, распрацоўцы адзіных нарматыўных дакументаў. Будуць падведзены вынікі выканання рашэнняў 61-га пасяджэння Савета і вынікі эксплуатацыйнай працы сеткі чыгунак за 2014 і першы квартал 2015 года.

Плануецца прыняць рашэнні па актуалізацыі шэрагу нарматыўных дакументаў у сферы арганізацыі міжнародных пасажырскіх і грузавых перавозак, тэхнічнага абслугоўвання і рамонту рухомага састава. Рэгламентам работы пасяджэння прадугледжаны двухбаковыя сустрэчы кіраўнікоў чыгуначных адміністрацый па ўзгодненых старанамі пытаннях.

Савет па чыгуначным транспарце дзяржаў-удзельніц СНД заснаваны ў 1992 годзе для каардынацыі працы чыгуначнага транспарту на міждзяржаўным узроўні і выпрацоўкі ўзгодненых прынцыпаў яго дзейнасці. Савет па чыгуначным транспарце дзяржаў-удзельніц Садружнасці і яго выканаўчы орган — Дырэкцыя Савета — былі створаны Пагадненнем кіраўнікоў урадаў дзяржаў-удзельніц СНД 14 лютага 1992 года для забеспячэння ўстойлівых эканамічных сувязяў краін СНД.

Інфармацыя падрыхтавана прэс-цэнтрам БЧ