Беларуская чыгунка правяла шэраг мерапрыемстваў у рамках Беларускага транспартнага тыдня

09 кастрычніка 2014

8 кастрычніка на транспартным форуме з поспехам прайшла міжнародная канферэнцыя «Стратэгія развіцця чыгуначных грузавых перавозак на еўра-азіяцкім рынку транспартных паслуг у 2015 годзе». Яе ўдзельнікамі сталі прадстаўнікі адміністрацый чыгунак, экспедытарскіх арганізацый, грузаўладальнікаў краін СНД, Еўрасаюза, дзяржаўных органаў Рэспублікі Беларусь. У адкрытым фармаце абмеркавалі пытанні ўзаемадзеяння з удзельнікамі рынку транспартных паслуг, прыцягнення дадатковых грузапатокаў на чыгункі. Усяго ў рабоце канферэнцыі прыняло ўдзел больш за 90 чалавек.

9 кастрычніка ў канферэнц-зале Упраўлення Беларускай чыгункі адбыўся круглы стол «Беларуска-латвійскае ўзаемадзеянне ў галіне транспартнай лагістыкі». У сустрэчы прынялі ўдзел міністр транспарту і камунікацый Беларусі Анатоль Сівак, міністр зносін Латвійскай Рэспублікі Анрыйс Маціса, Надзвычайны і Паўнамоцны пасол Латвіі ў Беларусі Міхаілс Папкоўс, кіраўнікі чыгуначных адміністрацый дзвюх краін, прадстаўнікі транспартнага бізнесу. Удзельнікі круглага стала прадставілі свой ​​патэнцыял, абмеркавалі магчымасці партнёрства. Начальнік Беларускай чыгункі Уладзімір Марозаў распавёў аб асноўных складальніках грузавых перавозак, развіцці сумесных праектаў, у прыватнасці, цягнікі камбінаванага транспарту «ZUBR», перспектывах электрыфікацыі стыкавых участкаў. ДАА «Латвійская чыгунка» — адзін з найважнейшых партнёраў Беларускай чыгункі. У студзенi—жніўні бягучага года грузавыя перавозкі на беларуска-латвійскім напрамку склалі 20,8 млн. т, што перавысіла ўзровень аналагічнага перыяду мінулага года на 9,1%. У агульным аб'ёме міжнародных перавозак па БЧ доля Латвіі складае трэць усяго грузаабароту.

Па выніках сустрэчы бакі падпісалі шэраг дакументаў аб узаемаразуменні і супрацоўніцтве.

Інфармацыя падрыхтавана прэс-цэнтрам БЧ