.png)
3 ліпеня на Дзіцячай чыгунцы імя К. Заслонава будзе арганізавана патрыятычная акцыя, прысвечаная 70-годдзю вызвалення Беларусі ад нямецка-фашысцкіх захопнікаў
01 ліпеня 2014
Маршрут святочнага цягніка будзе курсіраваць па трох станцыях «Заслонава», «Піянерская» і «Сасновы бор» з 11.00 да 17.00 гадзін.
У праграме свята на станцыі «Заслонава» — выстава работ «ТехноЭволюция», падрыхтаваная навучэнцамі Рэспубліканскага цэнтра тэхнічнай творчасці». Будуць прадстаўлены работы па авія-, аўта-, суднамадэліраваннi, а таксама мадэлі сярэднявечных даспехаў. Адбудзецца выступленне пераможцаў і фіналістаў рэспубліканскага конкурсу юных вакалістаў «Звонкая Раніца».
На станцыі «Сасновы бор» пасажыры святочнага цягніка пабываюць на партызанскай паляне. Тут плануецца выстава ваеннай тэхнікі, якую прадставіць 120-я гвардзейская асобная механізаваная брыгада Узброеных Сіл Рэспублікі Беларусь. Пройдуць конкурсы, паказальныя выступленні калектываў аматарскай мастацкай творчасці культурна-спартыўных цэнтраў беларускай магістралі.
Інфармацыя падрыхтавана прэс-цэнтрам БЧ
Да спісу навін за 2014 год
