Беларуская чыгунка укараніла ў студзені—маі больш за 300 рацыяналізатарскіх прапаноў
27 чэрвеня 2014
У выніку працы рацыяналізатараў Беларускай чыгункі за студзень-май 2014 года атрыманы эканамічны эфект у памеры 9,3 млрд. рублёў.
Рацыяналізатары беларускай магістралі ўнеслі важкі ўклад у павышэнне надзейнасці працы тэхнічных сродкаў, аўтаматызацыю і механізаванне рамонтных работ. Усяго ў арганізацыях і адасобленых структурных падраздзяленнях БЧ за студзень—май бягучага года было ўкаранёна больш за 300 рацыяналізатарскіх прапаноў. З пачатку года ў распрацоўцы і ўкараненні рацпрапаноў прынялі ўдзел больш за 350 спецыялістаў чыгункі.
Лепшыя вынікі рацыяналізатарскай дзейнасці ў студзені—маі прадэманстравалі: Гомельскае аддзяленне (ўкаранёна 50 рацпрапаноў з эканамічным эфектам 3,5 млрд. рублёў); Віцебскае аддзяленне (ўкаранёна 145 рацпрапаноў з эканамічным эфектам 2,5 млрд. рублёў); Баранавіцкае аддзяленне Беларускай чыгункі (ўкаранёна 52 рацпрапаноў з эканамічным эфектам больш за 1,9 млрд рублёў).
28 чэрвеня адзначаецца Дзень вынаходніка і рацыяналізатара.
Штогод на беларускай магістралі праходзіць конкурс «Лепшы рацыяналізатар Беларускай чыгункі», «Лепшы малады рацыяналізатар Беларускай чыгункі» і «Лепшы арганізатар тэхнічнай творчасці Беларускай чыгункі».
Па выніках за 2013 год у галіне рацыяналізатарскай дзейнасці званне «Лепшы рацыяналізатар Беларускай чыгункі»прысвоена 30 спецыялістам. Лепшымі маладымі рацыяналізатарамі прызнаныя 20 работнікаў, лепшымі арганізатарамі тэхнічнай творчасці 30 работнікаў магістралі.
У 2013 годзе ў выніку работы рацыяналізатараў Беларускай чыгункі атрыманы эканамічны эфект у памеры больш за 25,156 млрд. рублёў. Усяго ў арганізацыях і адасобленых структурных падраздзяленнях беларускай магістралі ў мінулым годзе было ўкаранёна больш за 850 рацыяналізатарскіх прапаноў. У распрацоўцы і ўкараненні рацпрапаноў прынялі ўдзел 1050 спецыялістаў беларускай магістралі.
Інфармацыя падрыхтавана прэс-цэнтрам БЧ
Да спісу навін за 2014 год