Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Беларуская чыгунка падвяла вынікі конкурсу «Лепшы менеджар па якасці» ў 2013 годзе

25 лістапада 2013

Перамогу ў конкурсе з прысуджэннем звання «Лепшы менеджар па якасці Беларускай чыгункі» атрымаў Аляксандр Бурлакоў — начальнік сектара тэхнічнага кантролю Жлобінскага вагоннага дэпо.

Другое месца заняў Уладзімір Заіка — інжынер па якасці лакаматыўнага дэпо Гомель; трэцяе месца — Наталля Дзянісава (інжынер па якасці лакаматыўнага дэпо Маладзечна); чацвёртае месца — Мікалай Алешка (інжынер Жабінкаўскай дыстанцыі пуцi); пятае месца — Юрый Шарыпа (інжынер-тэхнолаг Полацкага вагоннага дэпо). Усім ім будуць уручаны дыпломы і грашовыя ўзнагароды.

 

Пры падвядзенні вынікаў конкурсу кампетэнтнае журы ўлічвала практычныя вынікі функцыянавання сістэмы менеджменту якасці арганізацыі чыгункі, асабісты ўклад ўдзельніка конкурсу ў яе распрацоўку, укараненне і ўдасканаленне, а таксама навуковую і практычную дзейнасць прэтэндэнтаў на званне лепшага менеджара па якасці БЧ у гэтай галіне.

Упершыню конкурс «Лепшы менеджар па якасці Беларускай чыгункі» быў праведзены ў 2010 годзе. Ён закліканы садзейнічаць павышэнню канкурэнтаздольнасці прадукцыі і паслуг арганізацый Беларускай чыгункі, прапагандаваць перадавы вопыт у галіне менеджменту якасці, павышаць аўтарытэт кіраўнікоў і спецыялістаў у гэтай сферы.

 

Інфармацыя падрыхтавана прэс-цэнтрам БЧ

Да спісу навін за 2013 год