Аўтаномны пажарны апавяшчальнік – эфектыўная і надзейная абарона вашага дома!

21 кастрычніка 2021

Кодэксам аб адміністрацыйных правапарушэннях прадугледжана адказнасць за парушэнне патрабаванняў пажарнай бяспекі, што пацягнула ўзнікненне пажару і знішчэнне або пашкоджанне чужой маёмасці, цягне накладанне штрафу ў памеры ад пяці да трыццаці базавых велічынь (артыкул 24.36, Частка 8). Абавязак па забеспячэнні пажарнай бяспекі ў домаўладаннях, у адпаведнасці з Законам Рэспублікі Беларусь «Аб пажарнай бяспецы» нясе яго гаспадар.

Усе пажары з гібеллю людзей адбыліся ў жылых дамах. На месцы трагедыі пажарныя часцяком знаходзілі пустыя бутэлькі з-пад спіртнога і недакуркі. Большасць загінулых на пажарах злоўжывалі спіртным і палілі, што і з'явілася прычынай трагедыі. Звярніце ўвагу на паводзіны суседзяў. Паглядзіце, як яны праводзяць час у святочныя дні. Ці не дапускаюць яны грубыя парушэнні правілаў пажарнай бяспекі ў сваіх селішчах? У выпадку, калі сітуацыя выйшла з-пад кантролю, неадкладна тэлефануйце па тэлефонах 101, 112. Ратавальнікі, калі гэта неабходна, накіруюць да вас і хуткую дапамогу, і міліцыю.

Практыка паказвае, што бяда часцей за ўсё прыходзіць да людзей у начны час сутак, калі сітуацыя ў доме практычна імі не кантралюецца. Пажар небяспечны, перш за ўсё, высокай тэмпературай і моцным задымленнем. Спячы чалавек удыхае дым, які змяшчае вялікі пералік таксічных рэчываў, што смяротна небяспечна і можа прывесці да смерці на працягу некалькіх хвілін. Вельмі часта чалавек пасля напружанага працоўнага дня, паставіўшы разагравацца на пліту ежу, уключае тэлевізар, запальвае цыгарэту і, зручна ўладкаваўшыся ў крэсле або на ложку, засынае. Больш за 50% пажараў з гібеллю людзей адбываецца менавіта ў той момант, калі чалавек спіць. У сне ён не адчувае паху дыму і таму найбольш безабаронны. Своечасова выявіць загаранне і тым самым прадухіліць пажар, гібель людзей і матэрыяльны ўрон можна, усталяваўшы ў кватэры аўтаномны пажарны апавяшчальнік (далей – АПА). Гэтаму маленькаму, недарагому прыбору, які ўсталёўваецца на столі, абавязаны жыццём ужо не адзін жыхар нашай краіны.

АПА з'яўляецца адным з найбольш эфектыўных сродкаў па папярэджанні гібелі людзей ад пажараў. Таму ўжо даўно ва ўсіх перадавых краінах існуе абавязковае нарматыўнае патрабаванне па абсталяванні жылых памяшканняў апавяшчальнікамі. Яны павінны ўсталёўвацца ва ўсіх жылых пакоях жылых будынкаў, а таксама ў будынках і памяшканнях, указаных у будаўнічых нормах пры праектаванні жылых будынкаў, у месцах найбольш верагоднага з'яўлення дыму, на столі (сцяне), як правіла, у сярэдзіне памяшкання, але не бліжэй 10 см ад сцяны (столі). У адпаведнасці з правіламі пажарнай бяспекі кватэранаймальнікі жылых памяшканняў, наймальнікі пакояў у інтэрнатах, уласнікі жылых дамоў, арандатары будынкаў і гаражоў абавязаны падтрымліваць у спраўным стане пажарныя апавяшчальнікі, у тым ліку і аўтаномныя, якія ўстаноўлены ў кватэрах. Як паказваюць праверкі жылога фонду, больш за 30% гэтых апавяшчальнікаў не працуюць, бо жыхары вынялі батарэйкі, або забыліся іх замяніць. Сам прыбор не патрабуе спецыяльных навыкаў і дадатковых расходаў пры эксплуатацыі. Усталёўваецца ў кожным жылым пакоі. Работае ад 1 батарэйкі тыпу «Крона». Рэкамендуецца раз у год чысціць пажарны апавяшчальнік ад пылу пры дапамозе пыласоса і кожны месяц правяраць яго працаздольнасць, націскаючы на тэставую кнопку. Ён павінен пішчаць каля 5-10 секунд.

Для таго каб зберагчы сябе і сваіх блізкіх ад вогненных ПП, неабходна запомніць наступныя правілы:

- ніколі не курыце ў ложку;

- не дапускайце неасцярожнага абыходжання з агнём;

- не пакідайце без нагляду электрапрыборы;

- навучыце дзяцей правілу «Запалкі не цацка»;

- не карыстайцеся самаробнымі засцерагальнікамі «жучкамі»;

- не дапускайце кладку печаў, камінаў, рамонт электраабсталявання і сетак газавага забеспячэння «майстрамі-самавучкамі»;

- не захламляць паддашкі, падвалы, шляхі выхаду з жылля, балконы і лоджыі;

- сачыце за бяспекай не толькі сваёй кватэры, але і дома, двара;

- зачыняйце паддашкі і падвалы ад выпадковых людзей;

- усталюйце ў сваёй кватэры ці доме аўтаномны пажарны апавяшчальнік (АПА), прызначаны для выяўлення і абвесткі аб пажары.

Будзьце ўважлівыя і асцярожныя з агнём, каб за сумнымі лічбамі пажараў не схавалася ні ваша жыццё, ні ваша ўласнасць.