Надзейны выратавальнік – пажарны апавяшчальнік

15 сакавіка 2021

Сярод прычын узнікнення пажараў у быту – свавольства дзяцей, няспраўнасць або няправільная эксплуатацыя электраабсталявання, печаў і камінаў, неасцярожнае абыходжанне з агнём пры курэнні. З мэтай папярэджання жыхароў кватэр або дамоў аб тым, што здарылася ўзгаранне або пажар на пачатковай стадыі яго развіцця выкарыстоўваецца аўтаномны пажарны апавяшчальнік. Дадзены прыбор з'яўляецца самым даступным сродкам, здольным засцерагчы людзей, іх жылле ад страшных наступстваў пажару.

Аўтаномны пажарны апавяшчальнік рэагуе на задымленне, якое ўзнікла, падаючы магутны гукавы сігнал, пачуць які можа не толькі той хто спіць, але і яго суседзі. Сам прыбор просты ў выкарыстанні, што дазваляе жыхару ўсталяваць яго ў сваім жыллі самастойна, так як ён не патрабуе падключэння дадатковага абсталявання, пракладкі электрычных правадоў і абслугоўвання спецыялізаванымі арганізацыямі.

Аўтаномны пажарны апавяшчальнік усталёўваецца ў жылых памяшканнях. Ён павінен размяшчацца на столі пасярэдзіне пакоя, за выключэннем памяшканняў, у якіх устаноўлены нацяжныя столі. У такіх выпадках дапускаецца ўстаноўка прыбора на сцяне максімальна блізка да столі.

Асноўным патрабаваннем па эксплуатацыі аўтаномнага пажарнага апавяшчальніка з'яўляецца ачыстка яго ад пылу і своечасовая замена элемента электрасілкавання.