Больш за 40 дадатковых цягнікоў будуць курсіраваць па Беларускай чыгунцы ў дні сакавіцкіх святаў

23 лютага 2022

У мэтах павышэння якасці паслуг і забеспячэння дастаўкі пасажыраў Беларуская чыгунка прызначыла ўнутры рэспублікі 42 дадатковых цягніка на сакавіцкія святы, а таксама павялічыла колькасць месцаў для праезду пасажыраў у цягніках рэгулярных зносін.

З 4 па 10 сакавіка 2022 года дадатковыя цягнікі будуць курсіраваць па найбольш запатрабаваных у пасажыраў маршрутах: Мінск-Гомель, Мінск-Гродна, Мінск-Віцебск, Мінск-Брэст, Мінск-Магілёў, Мінск-Пінск, Мінск-Камунары, Брэст-Гомель, Крычаў-Орша (Гродна).

З улікам прагназуемага павелічэння пасажырапатоку найбольшая колькасць дадатковых цягнікоў прадугледжана на святочны дзень 8 сакавіка.

Ужо сёння на святочныя дні на цягнікі з нумараванымі месцамі Беларускай чыгункай рэалізавана больш за 32 тысячы праязных дакументаў.

Больш падрабязную інфармацыю пра час адпраўлення дадзеных цягнікоў, кошт праезду можна атрымаць на сайце www.rw.by, з дапамогай афіцыйнага мабільнага дадатку «БЧ. Мой цягнік» і па тэлефоне Кантакт-цэнтра Беларускай чыгункі 105.

Інфармацыя падрыхтавана прэс-цэнтрам БЧ