У першы рэйс цягнік на «Славянскі базар у Віцебску» адправіцца 16 ліпеня

10 ліпеня 2020

Дадатковы цягнік міжрэгіянальных ліній № 644/643 Мінск—Віцебск—Мінск, які Беларуская чыгунка традыцыйна прызначае на час правядзення фестывалю, будзе курсіраваць штодзень з Мінска з 16 па 19 ліпеня, а з Віцебска з 17 па 20 ліпеня.

Расклад руху цягніка складзены з улікам праграмы правядзення фестывалю.

Тэматыка мерапрыемства будзе адлюстравана і ў афармленні цягніка. Акрамя таго, падчас яго руху пасажыры змогуць азнаёміцца з святочнай праграмай «Славянскага базару ў Віцебску».

Са станцыі Мінск-Пасажырскі цягнік адправіцца ў 12.28 і прыбудзе ў Віцебск у 16.08.

Пасля завяршэння канцэртнай праграмы госці «Славянскага базару» на гэтым жа цягніку змогуць вярнуцца ў Мінск. З Віцебска ён будзе адпраўляцца ноччу ў 01.12 і прыбываць у сталіцу Беларусі раніцай у 05.42.

Продаж праязных дакументаў (білетаў) ужо ажыццяўляецца. Набыць білеты можна на афіцыйным сайце Беларускай чыгункі ў раздзеле «Паслугі пасажырам» (pass.rw.by), з дапамогай мабільнага дадатку «БЧ. Мой цягнік», а таксама ў чыгуначных касах БЧ.

Больш падрабязную інфармацыю аб кошце праезду і графіку руху цягніка № 644/643 Мінск—Віцебск—Мінск можна атрымаць на афіцыйным сайце Беларускай чыгункі, www.rw.by, а таксама ў Кантакт-цэнтры па тэлефоне 105.

Інфармацыя падрыхтавана прэс-цэнтрам БЧ

Да спісу навін за 2020 год