Беларуская чыгунка прапануе новую паслугу ў зносінах Мінск—Варшава

01 лістапада 2017

У мэтах удасканалення транспартнага абслугоўвання пасажыраў, у рамках двухбаковага супрацоўніцтва паміж Беларускай чыгункай і АТ «ПКП Інтэрсіці» у памежных зносінах і паміж сталіцамі з 10 снежня прызначаны ў штодзённыя зносіны цягнікі № 128/127 Брэст—Варшава—Брэст і № 728/727 Брэст—Мінск—Брэст.

З Мінска цягнік будзе адпраўляцца ў 10.57 і прыбываць у Брэст у 14.31, у сваю чаргу з Брэста да Варшавы цягнік будзе адпраўляцца ў 15.23 і прыбываць у Варшаву ў 17.29 (па мясцовым часе).

З Варшавы цягнік будзе адпраўляцца ў 08.44 і прыбываць у Брэст у 14.39 (па мясцовым часе). Да Мінска цягнік будзе адпраўляцца з Брэста ў 15.15 і прыбываць у Мінск у 18.49.
Перасадка пасажыраў з цягніка ў цягнік будзе ажыццяўляцца на адной платформе Варшаўскай боку вакзала станцыі Брэст-Цэнтральны.

Па Беларусі будзе курсіраваць сучасны маторвагонны рухомы састаў з месцамі для сядзення другога класа. Па Польшчы — склад з вагонаў з месцамі для сядзення першага і другога класа.

Пагранічны і мытны кантроль будзе праводзіцца непасрэдна ў складзе цягніка Польскіх чыгунак.

Кошт праезду ў зносінах Мінск—Варшава складае 41,21 руб., пры гэтым кошт праязнога дакумента можа мяняцца ў залежнасці ад курсу еўра на дзень пакупкі білета. Для дзяцей ва ўзросце ад 4 да 12 гадоў прадугледжана скідка на праезд — 50% ад поўнага кошту. Дзеці да 4 гадоў праязджаюць бясплатна без занятку асобнага месца.

Пры куплі білетаў у Беларусі будуць афармляцца два білета: адзін — ад Мінска да Брэста і другі — ад Брэста да неабходнай станцыі на тэрыторыі Польшчы, аналагічна пры праездзе з Варшавы пры афармленні праезду ў Беларусі.

Пры куплі білетаў у Польшчы будзе афармляцца адзін праязны білет на ўвесь шлях следавання і дзве нулявыя плацкарты з указаннем канкрэтнага месца ў цягніках.

Па тэрыторыі Беларусі цягнік будзе рабіць прыпынку на станцыях Баранавічы-Цэнтральныя, Івацэвічы, Бяроза-Горад, Аранчыцы, Жабінка.

У Польшчы — прыпынкі прадугледжаны ў Тэрэспалі, Малашэвіч, Хотылув, Бяла Падляска, Менджынец Падляскі, Лукаў, Седльцэ, Мроза, Мінск-Мазавецкі, Варшава.

Варта адзначыць расклад прыбыцця і адпраўлення цягніка прадугледжвае магчымасць праезду пасажыраў з Магілёва, Віцебска, Гомеля ў Варшаву і назад.

Продаж білетаў у гэтых зносінахі пачнецца з 15 лістапада. У далейшым пасажыры змогуць набываць білеты за 60 сутак да пачатку паездкі.

Дадзены праект будзе спрыяць павышэнню прывабнасці чыгуначных пасажырскіх перавозак, задавальненню попыту на праезд у міжнародных зносінах, развіццю турыстычных маршрутаў.

Нагадваем, што з верасня 2016 г. у штодзённых зносінах курсуе цягнік № 304/303 Кракаў—Варшава—Гродна. Дадзенай паслугай скарысталася каля 50 тысяч пасажыраў. Курсіраванне гэтага цягніка прадугледжана і ў новым графіку руху пасажырскіх цягнікоў на 2017/2018 г. Кошт праезду складае ў паведамленні Гродна—Кракаў 50,02 руб., у паведамленні Гродна—Варшава — 36,83 руб.

Інфармацыя падрыхтавана прэс-цэнтрам БЧ