Беларуская чыгунка з 13 снежня адкрывае штодзённае бесперасадачнае паведамленне Мінск—Варшава
11 снежня 2015
З мэтай забеспячэння рэгулярных транспартных зносін з краінамі Еўрасаюза Беларуская чыгунка з уводам новага графіка руху цягнікоў на 2015—2016 гады з 13 снежня прызначыла ў штодзённы зварот 2 бесперасадачныя вагоны Мінск—Варшава. Дадзеныя вагоны будуць курсіраваць у складзе цягніка № 9/10 Масква—Варшава.
У новым графіку з Мінска цягнік адпраўляецца ў 1.16 ночы і прыбывае на станцыю Варшава Цэнтральная раніцай у 8.55. Час адпраўлення саставу ў зваротным кірунку са станцыі Варшава Цэнтральная —18.53; прыбыцця ў Мінск — раніцай наступнага дня ў 7.24.
У сваю чаргу цягнік № 115/116 Мінск—Варшава, які ў бягучым годзе курсіраваў два разы на тыдзень і адпраўляўся з Мінска па панядзелках і чацвяргах з уводам новага графіка будзе прызначацца «па ўказанні».
Нагадваем, графік руху цягнікоў на 2015—2016 гады ўводзіцца на дарогах краін Садружнасці з 00.00 гадзін 13 снежня. У міжнародных зносінах новы графік прадугледжвае пастаяннае курсіраванне 30 пар пасажырскіх цягнікоў фарміравання БЧ.
Інфармацыя падрыхтавана прэс-цэнтрам БЧ
Да спісу навін за 2015 год