.png)
Цягнік Беларускай чыгункі, прызначаны на час правядзення Славянскага базару, карыстаецца папулярнасцю ў пасажыраў
08 ліпеня 2015
Цягнік міжрэгіянальных ліній №644/643 Мінск–Віцебск, прызначаны Беларускай чыгункай на час правядзення ХХIV Міжнароднага фестывалю мастацтваў «Славянскі базар у Віцебску», падчас свайго першага рэйса 7 ліпеня перавёз з Мінска ў Віцебск 278 чалавек, а 8 ліпеня — 347 чалавек. Такім чынам, ужо ў першыя дні курсіравання цягніка яго напаўняльнасць перавысіла 60% і намецілася тэндэнцыя далейшага росту пасажырапатоку.
Нагадваем, цягнік міжрэгіянальных ліній №644/643 Мінск–Віцебск курсіруе па Беларускай чыгунцы з 7 па 15 ліпеня. Са станцыі Мінск-Пасажырскі ён адпраўляецца ў 12.48 і прыбывае ў Віцебск у 16.25. Назад у Мінск госці «Славянскага базару», паглядзеўшы канцэрт, могуць выехаць на гэтым жа цягніку ў 01.40 ночы і прыбыць у сталіцу раніцай у 05.28.
Інфармацыя падрыхтавана прэс-цэнтрам БЧ
Да спісу навін за 2015 год
