Да ўвагі пасажыраў! З 1 мая па 30 верасня пенсіянерам даецца скідка 50% пры праездзе ў цягніках рэгіянальных ліній эканом-класа

27 красавіка 2015

Кожны год у перыяд сезонных сельскагаспадарчых работ з 1 мая па 30 верасня грамадзяне, якія дасягнулі пенсіённага ўзросту (мужчыны — 60 гадоў, жанчыны — 55 гадоў), маюць права на скідку 50% ад кошту праезду ў цягніках рэгіянальных ліній эканом-класа. Гэта прадугледжана Указам Прэзідэнта Рэспублікі Беларусь ад 29.04.2011 №176 «Аб дзяржаўнай падтрымцы пенсіянераў».

Дакументам не прадугледжана прадастаўленне гэтай ільготы пры праездзе ў электрацягніках рэгіянальных ліній бізнес-класа (з нумараванымі месцамі). Таксама скідка 50% не прадастаўляецца пры праездзе ў цягніках гарадскіх ліній.

Нагадваем, для набыцця праязных дакументаў са скідкай пасажырам неабходна прад'яўляць арыгіналы пенсійных пасведчанняў.

Інфармацыя падрыхтавана прэс-цэнтрам БЧ