Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language

Беларуская чыгунка забяспечыла тэрмінальную апрацоўку і пропуск 1000-га паскоранага кантэйнернага цягніка з Заходняй Еўропы па маршруце Брэст–Забайкальск прызначэннем у Кітай

15 лістапада 2019

15 лістапада 2019 г. з Брэста адпраўлены юбілейны кантэйнерны цягнік, які накіроўваецца ў напрамку Еўропа-Кітай праз расійска-кітайскі пагранпераход Забайкальск/Манчжурыя. Дадзены праект рэалізуецца ПАТ «Транскантэйнер» сумесна з Беларускай чыгункай і ААТ «РЖД». Аператарамі праекта выступаюць АТ «РЖД Лагістыка», у Еўропе і Кітаі – кампанія Far East Land Bridge (FELB). Экспедзіраванне цягніка па тэрыторыі Рэспублікі Беларусь ажыццяўляе дзяржаўнае прадпрыемства «БТЛЦ» – афіцыйны экспедытар Беларускай чыгункі.

У 1000-м цягніку накіроўваецца 71 саракафутавы кантэйнер з аўтакамплектуючых канцэрна BMW прызначэннем на станцыю Шэньян (Кітай), а таксама абсталяваннем, аўтазапчасткамі і іншымі грузамі.

Беларуская чыгунка забяспечвае своечасовую тэрмінальную апрацоўку кантэйнераў на кантэйнерным тэрмінале станцыі Брэст-Паўночны, фарміраванне і бесперашкодны пропуск дадзенага цягніка.

Паскораныя кантэйнерныя цягнікі з Еўропы ў Кітай па маршруце Брэст–Забайкальск курсіруюць транзітам праз тэрыторыю Рэспублікі Беларусь, пачынаючы з кастрычніка 2011 года. У цяперашні час рэгулярнасць названага сэрвісу складае ў сярэднім 3-4 цягніка на тыдзень. Тэрміны дастаўкі ад польска-беларускай да расійска-кітайскай мяжы – 7–8 дзён.

Беларускі ўчастак II Агульнаеўрапейскага транспартнага калідора маршрутныя кантэйнерныя цягнікі праходзяць менш чым за 12 гадзін.

Дадзены кантэйнерны цягнік – не адзіны сумесны праект, рэалізаваны ПАТ «Транскантэйнер» і Беларускай чыгункай. У сапраўдны момант у супрацоўніцтве з ПАТ «Транскантэйнер» ажыццяўляюцца перавозкі камплектуючых для аўтаканцэрнаў BMW, Volvo, Volkswagen, Daimler-Benz, а таксама перавозяцца аўтазапчасткі, будаўнічыя грузы, абсталяванне і іншыя грузы. За 12 гадоў дзейнасці прадстаўніцтва кампаніі ПАТ «Транскантэйнер» у Рэспубліцы Беларусь праз пераход Брэст–Цярэспаль у напрамку Усход–Захад–Усход прайшло каля 1,5 млн кантэйнераў у ДФЭ.

Беларускай чыгункай праводзіцца актыўная праца з удзельнікамі рынку транспартных паслуг па арганізацыі і развіццю кантэйнерных перавозак. У цяперашні час кантэйнерныя цягнікі адпраўляюцца з 60 гарадоў Кітая ў напрамку 50 гарадоў 15 еўрапейскіх краін.

За студзень–кастрычнік 2019 года транзітам праз Рэспубліку Беларусь у зносінах Кітай–Еўропа–Кітай па Беларускай чыгунцы перавезена 269,6 тыс. кантэйнераў у ДФЭ, што склала 103% да аналагічнага перыяду 2018 года.

Асноўная доля транзітных кантэйнерных перавозак у зносінах Усход–Захад–Усход ажыццяўляецца праз Брэсцкі чыгуначны вузел. Асаблівую ўвагу Беларуская чыгунка надае арганізацыі і павелічэнню перегруза кантэйнераў на беларускім баку.

Кантэйнерны тэрмінал станцыі Брэст-Паўночны – прыклад комплекснага развіцця Беларускай чыгункі і гарманізацыі тэхналагічнага працэсу з суседнімі чыгуначнымі адміністрацыямі. Пасля завяршэння яго мадэрнізацыі ў жніўні 2019 года новая інфраструктура тэрмінальнага комплексу дазваляе апрацоўваць каля 1 млн кантэйнераў у ДФЭ у год з прадастаўленнем бізнес-супольнасці паслуг па захоўванні, кансалідацыі кантэйнераў i своечасовай тэрмінальнай апрацоўцы.

Поўны комплекс паслуг па прапрацоўцы маршрутаў і арганізацыі перавозак грузаў у кантэйнерах ажыццяўляе дзяржаўнае прадпрыемства «БТЛЦ» – афіцыйны экспедытар Беларускай чыгункі.

Інфармацыя падрыхтавана прэс-цэнтрам БЧ


Да спісу навін за 2019 год