Беларуская чыгунка працягвае працу па рэканструкцыі тэрмінальна-складавай інфраструктуры гарадской таварнай станцыі Калядзічы
28 студзеня 2013
У 2013 годзе на гарадской таварнай станцыі (ГТС) Калядзічы плануецца ўвесці ў эксплуатацыю новы крыты прырэйкавы склад плошчай 5000 кв. метраў па выгрузцы і перапрацоўцы тарна-адзінкавых грузаў, што перавозяцца ў крытым рухомым саставе. Таксама пачнецца будаўніцтва новага адміністрацыйнага будынка, з улікам самых сучасных патрабаванняў па абслугоўвання кліентаў.
Мадэрнізацыя станцыі дазволіць Беларускай чыгунцы прапанаваць грузаўладальнікам якасна новы сэрвіс, ствараючы тым самым перадумовы для павелічэння аб'ёмаў перавозак і прыцягнення дадатковых грузапатокаў у нашу краіну.
Гарадская таварная станцыя Калядзічы з'яўляецца адным з ключавых звёнаў транспартнай лагістыкі ў рамках Беларускай чыгункі. Станцыя забяспечвае перапрацоўку значных аб'ёмаў транзітных, экспартных, імпартных і ўнутрырэспубліканскіх грузаў. За 2012 на ГТС Калядзічы перапрацавана 191 228 тон грузаў, выканана 52 334 кантэйнерааперацый.
Праект рэканструкцыі складаецца з 5 чэргаў, пасля завяршэння работ станцыя стане адным з вядучых тэрміналаў Беларускай чыгункі, якія прадстаўляюць поўны комплекс паслуг, звязаных з перапрацоўкай буйнатанажных кантэйнераў, цяжкавагавых грузаў, колавай тэхнікі і інш.
У цяперашні час на пляцоўцы для перапрацоўкі цяжкавагавых грузаў змантаваныя тры казловыя краны грузападымальнасцю 12,5 тон. Завяршаецца мантаж крана грузападымальнасцю 30 тон.
Інфармацыя падрыхтавана прэс-цэнтрам БЧ
Да спісу навін за 2013 год