Зборная каманда Беларускай чыгункі атрымала ўпэўненую перамогу ў 1-м этапе спартакіяды Мінтранса

18 сакавіка 2024

Першы этап рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь прайшоў 15-17 сакавіка 2024 года на фізкультурна-аздараўленчай базе спартыўна-аздараўленчага комплексу «Зялёны бор» шматфункцыянальнага спартыўнага комплексу «Мінск-Арэна». Лепшыя атлеты транспартнай галіны нашай краіны спаборнічалі ў 6 відах спорту: валейболе, лёгкаатлетычным кросе, настольным тэнісе, шахматах, більярдзе і гіравым спорце.

У ходзе спаборніцтваў было нямала вострых і напружаных момантаў, многае вырашалі высокі ўзровень спартыўнай падрыхтоўкі і воля ўдзельнікаў да перамогі. Зборная беларускай магістралі ў першым этапе галіновых спаборніцтваў стала лідарам у пяці відах спорту, уступіўшы першынство толькі ў спаборніцтвах па більярдзе.

Па выніках першага этапу спартакіяды Мінтранса каманда Беларускай чыгункі атрымала перамогу ў сваёй групе. На 2-м месцы – каманда Дэпартамента па авіяцыі, на 3-м – каманда арганізацый дарожнай гаспадаркі, на 4-м – каманда дзяржаўнага прадпрыемства «Мінсктранс».

Нагадаем, што зборная каманда Беларускай чыгункі з 2008 года штогод прымае ўдзел у рэспубліканскай спартакіядзе Мінтранса.

Інфармацыя падрыхтавана прэс-цэнтрам БЧ