На Беларускай чыгунцы адбылося 4-е пасяджэнне Савета ветэранаў БЧ IX склікання

21 сакавіка 2024

4-е пасяджэнне Савета ветэранаў БЧ IX склікання прайшло 20 сакавіка 2024 года ва Упраўленні Беларускай чыгункі.

У пасяджэнні прынялі ўдзел намеснік Начальніка Беларускай чыгункі Пётр Стоцкі, намеснік старшыні Рэспубліканскага савета Беларускага грамадскага аб'яднання ветэранаў Юрый Дзядкоў, старшыня арганізацыі ветэранаў Беларускай чыгункі Сяргей Гогалеў, сакратар галіновага камітэта ГА «БРСМ» Беларускай чыгункі Павел Рандоўцаў, а таксама члены Савета ветэранаў БЧ, прадстаўнікі арганізацыі ветэранаў Беларускай чыгункі і старшыні каардынацыйных саветаў ГА «БРСМ» аддзяленняў чыгункі.

Удзельнікі сустрэчы падвялі вынікі дзейнасці Савета ветэранаў БЧ IX склікання ў 2023 годзе і вызначылі асноўныя задачы на 2024 год, унеслі змены ў склад Савета ветэранаў Беларускай чыгункі, а таксама выбралі дэлегатаў ад арганізацыі ветэранаў БЧ для ўдзелу ў канферэнцыі Беларускага грамадскага аб'яднання ветэранаў, прынялі Палажэнне аб арганізацыі ветэранаў Беларускай чыгункі ў новай рэдакцыі.

Выступаючы перад удзельнікамі пасяджэння, намеснік Начальніка Беларускай чыгункі Пётр Стоцкі выказаў словы шчырай падзякі ветэранам за вялікі ўклад у развіццё галіны, захаванне слаўных працоўных традыцый і патрыятычнае выхаванне моладзі.

Пётр Васільевіч таксама праінфармаваў прысутных аб рабоце Беларускай чыгункі і сацыяльнай падтрымцы ветэранаў вайны і працы.

Як адзначыў у сваім выступленні старшыня арганізацыі ветэранаў Беларускай чыгункі Сяргей Гогалеў, сягоння ветэраны галіны прымаюць самы актыўны ўдзел у чыгуначных і рэспубліканскіх мерапрыемствах, патрыятычных акцыях, прадстаўляюць Беларусь на міжнародных форумах і фестывалях.

У 2023 годзе ветэраны БЧ сталі ўдзельнікамі больш за 200 мерапрыемстваў, якія праводзяцца ў рамках Года міру і стварэння.

Паказальна, што у гэтым годзе арганізацыя ветэранаў Беларускай чыгункі адзначыла 40-гадовы юбілей. У цяперашні час у яе шэрагах налічваецца амаль 35 тысяч чалавек.

Па словах намесніка старшыні Рэспубліканскага савета Беларускага грамадскага аб'яднання ветэранаў Юрыя Дзядкова, Арганізацыя ветэранаў Беларускай чыгункі мае вялікі аўтарытэт у Беларускім грамадскім аб'яднанні ветэранаў і адыгрывае важную ролю ў развіцці ветэранскага руху ў Рэспубліцы Беларусь. Ён таксама падзякаваў ветэранам беларускай магістралі за ўдзел у грамадска-палітычным жыцці краіны і актыўную грамадзянскую пазіцыю.

Сакратар галіновага камітэта ГА «БРСМ» Беларускай чыгункі Павел Рандоўцаў падкрэсліў важную ролю ўзаемадзеяння моладзі і ветэранаў у рэалізацыі мерапрыемстваў, прымеркаваных да 80-й гадавіны вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне.

Інфармацыя падрыхтавана прэс-цэнтрам БЧ