4 красавіка Беларуская чыгунка правядзе ў Мінску міжнародную канферэнцыю «2024. Чыгуначная лагістыка: актуальныя задачы развіцця»

21 сакавіка 2024

У мерапрыемстве плануецца ўдзел кіраўнікоў міжнародных транспартных арганізацый, чыгунак Беларусі, Расіі, Кітая, Казахстана, Азербайджана, Туркменістана, Кыргызстана, а таксама прадстаўнікоў міністэрстваў і канцэрнаў, найбуйнейшых грузаадправіцеляў Рэспублікі Беларусь, рэзідэнтаў Кітайска-Беларускага індустрыяльнага парку «Вялікі камень», лагістычных аператараў чыгуначнай «прасторы 1520», партоў і ўласнікаў рухомага саставу.

У ходзе канферэнцыі будуць разгледжаны найбольш актуальныя пытанні фарміравання чыгуначнай лагістыкі і канкурэнтаздольных лагістычных рашэнняў у сучасных умовах, у тым ліку з задзейнічаннем партоў, перспектывы развіцця і мадэрнізацыі транспартна-лагістычнай інфраструктуры, абмеркаваны транспартны і транзітны патэнцыял чыгунак і лагістычных кампаній, якія ўдзельнічаюць у арганізацыі перавозак грузаў па міжнародных транспартных калідорах «Поўнач – Поўдзень» і «Усход – Захад», а таксама ў рамках ініцыятывы «Адзін пояс, адзін шлях».

Акрамя таго, у рамках мерапрыемства адбудзецца абмен думкамі і актуальнымі прапановамі ў сферы транспарту і лагістыкі, павышэння кліентаарыентаванасці і эфектыўнасці ўзаемадзеяння з грузаўладальнікамі, пашырэння даступнасці і празрыстасці чыгуначнага бізнесу.

Трэба адзначыць, што міжнародная транспартна-лагістычная канферэнцыя будзе арганізавана ў Мінску ўжо другі раз. У сакавіку 2023 года форум сабраў больш за 160 удзельнікаў з 6 краін свету, якія абмеркавалі шырокі пералік пытанняў транспарціроўкі грузаў чыгуначным транспартам і выпрацавалі найбольш аптымальныя схемы далейшай работы з улікам інтарэсаў усіх прадстаўнікоў лагістычнага працэсу.

Інфармацыя падрыхтавана прэс-цэнтрам БЧ