У Дзень нараджэння Беларускай чыгункі лепшым работнікам уручылі вышэйшыя галіновыя ўзнагароды

27 снежня 2023

27 снежня 2023 года Беларускай чыгунцы споўніўся 161 год. Традыцыйна ў гэты святочны дзень у Мінскім Палацы культуры і спорту чыгуначнікаў Начальнік Беларускай чыгункі Уладзімір Марозаў уручыў заслужаныя ўзнагароды 88 лепшым прадстаўнікам працоўных калектываў беларускай магістралі.

Віншуючы ўдзельнікаў мерапрыемства, Уладзімір Марозаў падкрэсліў, што работнікі галіны ганарацца сваёй гісторыяй і самі яе ствараюць. Ён шчыра падзякаваў кожнаму з прысутных і ўсім чыгуначнікам за самааддачу, адданасць прафесіі, мэтанакіраванасць і нацэленасць на агульны вынік. Разам адзіным і згуртаваным калектывам паспяхова пераадольваліся ўсе цяжкасці гэтага года. Работнікі чыгункі дзейнічалі смела і нестандартна, дакладна і граматна арганізоўвалі новыя грузавыя патокі і выстрайвалі перспектыўныя лагістычныя схемы.

Паводле слоў Уладзіміра Марозава, найважнейшымі задачамі, якія стаяць перад Беларускай чыгункай у 2024 годзе, з'яўляюцца захаванне працоўнага калектыву і павышэнне якасці аказваемых паслуг па перавозцы пасажыраў і грузаў. Таксама трэба заўсёды памятаць і пра нашых дарагіх ветэранаў. Захаванне пераемнасці пакаленняў і клопат пра іх – гэта добры прыклад для моладзі і наш святы абавязак.

На вяршыні ўсяго – дабрабыт людзей, падтрыманне і ўмацаванне прэстыжу прафесіі чыгуначніка.

Начальнік Беларускай чыгункі пажадаў усім работнікам моцнага здароўя, шчасця, мірнага неба, а роднай магістралі – развіцця і ўпэўненага руху наперад.

Да ўзнагароджаных са словамі віншавання звярнуўся і старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Віктар Какора. Ён падзякаваў прысутным за шматгадовую добрасумленную працу і ўклад у развіццё галіны. Пажадаў памнажэння дасягнутых вынікаў, поспехаў у працы і сямейнага дабрабыту.

У гэтыя дні ўрачыстыя мерапрыемствы прайшлі на ўсіх аддзяленнях Беларускай чыгункі. Усяго галіновымі ўзнагародамі адзначана 460 перадавікоў вытворчасці. Таксама 6 чыгуначнікаў удастоены нагруднага знака адрознення Міністэрства транспарту і камунікацый Рэспублікі Беларусь «Ганаравы транспартнік». Ганаровыя граматы атрымалі 12 работнікаў магістралі, а 10 – аб'яўлена Падзяка Міністра транспарту і камунікацый.

Інфармацыя падрыхтавана прэс-цэнтрам БЧ