Дэлегацыя Беларускай чыгункі прыняла ўдзел у IV чыгуначным з'ездзе, арганізаваным ААТ «РЖД»

18 снежня 2023

Мерапрыемства прайшло 15 снежня 2023 года ў г. Маскве.

На пленарным пасяджэнні з'езда выступіў Прэзідэнт Расійскай Федэрацыі Уладзімір Пуцін.

Таксама ў рабоце форуму прынялі ўдзел кіраўнікі федэральных органаў улады і органаў улады суб'ектаў Расійскай Федэрацыі, прамысловых прадпрыемстваў, транспартных кампаній, чыгунак ЕАЭС і іншых краін, прафесійных асацыяцый і навукова-даследчых арганізацый, прадстаўнікі міжнароднай дзелавой супольнасці, а таксама прафсаюзных, ветэранскіх і іншых грамадскіх арганізацый.

Дэлегацыю БЧ узначаліў Начальнік Беларускай чыгункі Уладзімір Марозаў.

Падчас правядзення сесій IV Чыгуначнага з'езда дэлегаты абмеркавалі асноўныя напрамкі міжнароднай кааперацыі, знешнепалітычных і знешнеэканамічных ініцыятыў Расійскай Федэрацыі, развіцця транспартных калідораў, а таксама ўзаемадзеянне ў рамках міжнародных арганізацый і аб'яднанняў для павышэння ролі чыгуначнага транспарту на міжнароднай арэне.

Акрамя таго, у адпаведнасці з праграмай з'езда было арганізавана ўрачыстае анлайн-адкрыццё Керакскага тунэлю на перагоне Кавалі-Ульручыя Забайкальскай чыгункі і запуск рабочага руху на ўчастку ст. Выхадны – ст. Лаўна Кастрычніцкай чыгункі.

У рамках удзелу ў IV Чыгуначным з'ездзе Начальнік Беларускай чыгункі правёў шэраг рабочых сустрэч па пытаннях развіцця грузавых перавозак у міжнародных зносінах з кіраўнікамі чыгунак Расійскай Федэрацыі, Казахстана, Узбекістана, Азербайджана, Туркменістана, а таксама з кіраўніцтвам АТ «ОТЛК ЕРА».

Інфармацыя падрыхтавана прэс-цэнтрам БЧ