Дарагія чыгуначнікі! Паважаныя пасажыры і дзелавыя партнёры!

29 снежня 2023

Прыміце самыя цёплыя і шчырыя віншаванні з Новым годам і Калядамі!

Гэтыя любімыя беларусамі сямейныя святы – сімвалы надзеі на лепшае, на тое, што збудуцца самыя запаветныя жаданні і ўвасобяцца ў жыццё ўсе намечаныя планы.

Для калектыву Беларускай чыгункі адыходзячы год быў годам напружанай працы і кансалідацыі намаганняў, накіраваных на выкананне пастаўленых задач па забеспячэнні бесперабойнай работы эканомікі краіны. Працягвалася рэалізацыя інфраструктурных праектаў і абнаўленне рухомага саставу, укараненне сучасных інфармацыйных сэрвісаў і новых лагістычных схем па дастаўцы грузаў.

Дасягнутыя вынікі былі б немагчымы без высокай асабістай адказнасці і прафесіяналізму кожнага чыгуначніка на сваім рабочым месцы, бязмежнай адданасці сваёй справе і інтарэсам дзяржавы. Мы ганарымся вамі і цэнім кожнага з вас.

Асобныя словы падзякі і віншаванні нашым дарагім ветэранам. Сваёй шматгадовай самаадданай працай вы заклалі надзейны падмурак для развіцця чыгуначнага транспарту. А сёння працягваеце перадаваць багаты вытворчы і жыццёвы вопыт моладзі.

У Беларусі 2024 год аб'яўлены Годам якасці. Для чыгуначнікаў ва ўсе часы якасць прадастаўляемых паслуг была адным з галоўных прыярытэтаў. І мы перакананы, што калектыў галіны працягне сваё развіццё ў гэтым кірунку на карысць працвітання нашай роднай Айчыны.

Паважаныя калегі, пасажыры і дзелавыя партнёры!  Няхай 2024-ы для ўсіх нас стане годам новых магчымасцяў і ўпэўненага руху наперад. Няхай у вашых сем'ях і дамах пануюць мір, цяпло і згода! Ад усёй душы жадаем вам моцнага здароўя і святочнага настрою!

З Новым годам і Калядамі!

Начальнік Беларускай чыгункі У.М. Марозаў

Старшыня Аб'яднанай галіновай прафсаюзнай
арганізацыі чыгуначнікаў і транспартных будаўнікоў В.М. Какора

Старшыня арганізацыі ветэранаў Беларускай чыгункі С.П. Гогалеў