У Беларускім дзяржаўным універсітэце транспарту да 6 жніўня 2023 года прадоўжаны прыём дакументаў
31 ліпеня 2023
У Беларускім дзяржаўным універсітэце транспарту да 6 жніўня 2023 года прадоўжаны прыём дакументаў на вочную (дзённую) форму атрымання адукацыі за кошт сродкаў рэспубліканскага бюджэту, у тым ліку і па такіх чыгуначных спецыяльнасцях як:
«Рухомы састаў чыгуначнага транспарту» («Праектаванне, выраб і эксплуатацыя вагонаў» , «Цеплавозы», «Электрычны транспарт і метрапалітэн»);
«Сістэмы забеспячэння руху цягнікоў» («Аўтаматыка і тэлемеханіка»).
У маладых людзей, якія жадаюць стаць прафесійнымі чыгуначнікамі і атрымаць гарантаванае першае працоўнае месца ў адной з арганізацый Беларускай чыгункі, яшчэ ёсць магчымасць гэта зрабіць.
На Беларускай чыгунцы заўсёды запатрабаваны высокакваліфікаваныя кадры ‒ Інжынеры-транспартнікі, якія валодаюць якаснымі ведамі і кампетэнцыямі ў галіне чыгуначнага транспарту. Сталёвая магістраль шануе і клапоціцца аб кожным з іх, ствараючы бяспечныя і камфортныя ўмовы працы, дастойную заработную плату і сацыяльны пакет, перспектывы кар'ернага і прафесійнага росту.
Запрашаем абітурыентаў выбраць сваю спецыяльнасць, стаць студэнтам вядучай транспартнай ВНУ краіны і ў далейшым ‒ дастойным членам згуртаванай каманды Беларускай чыгункі.
Дакументы прымаюцца па адрасе: г. Гомель, вул. Кірава, д. 34.
Інфармацыя падрыхтавана прэс-цэнтрам БЧ
Да спісу навін за 2023 год