Напярэдадні Дня Незалежнасці Рэспублікі Беларусь Беларуская чыгунка рэалізуе патрыятычны турыстычны праект «Скрозь гады звініць Перамога»
04 ліпеня 2023
30 чэрвеня – 1 ліпеня 2023 года ў рамках мерапрыемстваў Года міру і стварэння напярэдадні Дня Незалежнасці Рэспублікі Беларусь турыстычны цэнтр «Дартур» Беларускай чыгункі пры садзейнічанні Аб'яднанай галіновай прафсаюзнай арганізацыі чыгуначнікаў і транспартных будаўнікоў рэалізуе патрыятычны праект «Скрозь гады звініць Перамога».
155 удзельнікаў праекта ўвечары 30 чэрвеня 2023 года адправяцца са станцыі Мінск-Пасажырскі на спецыяльным цягніку па маршруце Мінск – Брэст – Івацэвічы – Мінск.
У Брэсце для турыстаў прадугледжана экскурсійная праграма ў мемарыяльным комплексе «Брэсцкая крэпасць – герой». Акрамя гэтага запланавана наведванне мемарыяльнага комплексу Партызанскай славы «Хаваншчына», дзе будзе арганізавана інтэрактыўная праграма «Адзін дзень у партызанскім лагеры» з дэгустацыяй салдацкай кашы і партызанскай гарбаты.
Завершыцца турыстычны маршрут экскурсам у багатае гістарычнае мінулае нашай краіны – наведваннем Косаўскага Палацава-паркавага комплексу.
Пры пасадцы ў цягнік пасажыраў сустрэнуць праваднікі ў стылізаванай ваеннай форме, а ў дарозе для іх будзе арганізавана тэматычная музычная праграма «Эх, пуць – дарожка».
Інфармацыя падрыхтавана прэс-цэнтрам БЧ