Беларуская чыгунка ўмацоўвае супрацоўніцтва з ААТ «РЖД» у сацыяльна-культурнай сферы

07 ліпеня 2023

У рамках далейшага ўмацавання супрацоўніцтва ў сацыяльна-культурнай сферы паміж Беларускай чыгункай і ААТ «РЖД» дзеці беларускіх чыгуначнікаў ва ўзросце ад 10 да 17 гадоў у ліпені-жніўні 2023 года змогуць прыняць удзел у міжнародным анлайн-лагеры «Краіна чыгунак», арганізаваным расійскімі калегамі.

Анлайн-лагер будзе працаваць у дзве змены з 10 па 30 ліпеня і з 31 ліпеня па 20 жніўня 2023 года.

Важатыя віртуальнага лагера прапануюць дзецям конкурсныя заданні, займальныя мерапрыемствы і сустрэчы з медыяперсонамі, майстар-класы (ад вышывання крыжыкам да 3D-мадэліравання), жывыя зносіны і гульні з аднагодкамі і педагогамі. Праграма разлічана прыкладна на 10 гадзін у тыдзень (у сярэднім па 1,5 гадзіны ў дзень), выключэнне складаюць дні правядзення анлайн-мерапрыемстваў.

На працягу ўсёй анлайн-змены непасрэдна з дзецьмі будзе працаваць група куратараў, удзельнікі студэнцкіх педагагічных атрадаў.

Для ўдзелу ў дадзеным праекце неабходна прайсці рэгістрацыю на сайце dol.szd.online. Пасля гэтага адкрыецца доступ да анлайн-мерапрыемстваў і конкурсных заданняў. Для заняткаў спатрэбяцца ноўтбук або кампутар з падключэннем да Інтэрнэту, вэб-камерай, мікрафонам, навушнікамі і ўсталяванай праграмай для канферэнцый (ZOOM).

Паўдзельнічаць у анлайн-лагеры змогуць і дзеці з асаблівасцямі развіцця. У такім выпадку пры рэгістрацыі на сайце неабходна зрабіць пазнаку «інклюзіўны лагер» – і каманда арганізатараў пастараецца адаптаваць праграму ў адпаведнасці з магчымасцямі кожнага дзіцяці.

Далучыцца да актыўнасці анлайн-лагера можна ў перыяд яго правядзення. Для самых актыўных удзельнікаў прадугледжаны прызы і дыпломы. Чым раней дзіця далучыцца да мерапрыемстваў лагера, тым вышэй шанцы на перамогу.

Запрашаем дзяцей работнікаў Беларускай чыгункі прыняць удзел у анлайн-лагеры і напоўніць летнія канікулы цікавымі, займальнымі і карыснымі заняткамі!

Інфармацыя падрыхтавана прэс-цэнтрам БЧ