Паважаныя работнікі і ветэраны Беларускай чыгункі!

27 снежня 2022

Ад усёй душы віншуем вас са знамянальнай датай – 160-годдзем Беларускай чыгункі!

27 снежня 1862 года паравозны гудок на станцыі Парэчча азнаменаваў сабой пачатак новай эпохі ў сацыяльна-эканамічным жыцці Беларусі.

З гэтага часу чыгуначны транспарт з'яўляецца неад'емнай часткай нашай дзяржавы і служыць ёй надзейнай апорай. Чыгуначнікі ва ўсе часы былі адданыя роднай Айчыне. Разам з краінай яны прайшлі ўсе самыя складаныя этапы яе станаўлення, унеслі неацэнны ўклад у справу разгрому нямецка-фашысцкіх захопнікаў у гады Вялікай Айчыннай вайны, аднаўлялі краіну з руін і адраджалі народную гаспадарку ў пасляваенны перыяд, разам перажывалі складаныя гады перабудовы і фарміравання Рэспублікі Беларусь як маладой суверэннай дзяржавы.

І сягоння работнікі Беларускай чыгункі, захоўваючы і прымнажаючы слаўныя працоўныя традыцыі папярэдніх пакаленняў, уносяць неацэнны ўклад у развіццё эканомікі дзяржавы і павышэнне дабрабыту яго жыхароў.

У аснове нашай дзейнасці – штодзённая, добрасумленная і адказная работа шматтысячнага калектыву сапраўдных прафесіяналаў, бясконца адданых сваёй справе і сваёй краіне.

Неад'емнай часткай чыгуначнай сям'і з'яўляюцца нашы дарагія ветэраны, якія заклалі асновы прафесійных традыцый, стварылі фундамент для сучасных перамог і дасягненняў. Іх веды і вопыт перадаюцца з пакалення ў пакаленне, а шматгадовая і самаадданая работа з'яўляецца прыкладам і арыенцірам для маладых работнікаў галіны.

Паважаныя калегі, выказваем вам шчырыя словы падзякі за адданасць прафесіі, за тое, што ў любое надвор'е днём і ноччу вы з годнасцю выконваеце ганаровую і адказную місію па забеспячэнні бесперабойнай і бяспечнай перавозкі пасажыраў і грузаў.

Жадаем усім работнікам і ветэранам Беларускай чыгункі моцнага здароўя, сямейнага шчасця, святочнага настрою, паспяховай прафесійнай дзейнасці і новых працоўных дасягненняў на карысць роднай магістралі і Рэспублікі Беларусь.

Са святам!

Начальнік Беларускай чыгункі                  У.М. Марозаў

Старшыня Аб'яднанай галіновай
прафсаюзнай арганізацыі чыгуначнікаў
і транспартных будаўнікоў                        В.М. Какора

Старшыня Арганізацыі ветэранаў
Беларускай чыгункі                                   С.П. Гогалеў