15 снежня 2022 года на Беларускай чыгунцы стартуе акцыя «Дзеці і бяспека»

14 снежня 2022

З 15 па 25 снежня 2022 года, напярэдадні школьных зімовых канікул, Беларуская чыгунка праводзіць комплекс мерапрыемстваў «Дзеці і бяспека», які накіраваны на папярэджанне і прафілактыку дзіцячага траўматызму і гібелі непаўналетніх на аб'ектах чыгуначнага транспарту.

Традыцыйна ў перыяд правядзення акцыі работнікі Беларускай чыгункі сумесна з членамі грамадскіх фарміраванняў, супрацоўнікамі органаў унутраных спраў правядуць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках.

На вакзалах і ў цягніках таксама будзе арганізавана дадатковае інфармаванне грамадзян аб мерах бяспекі пры знаходжанні на аб'ектах чыгуначнага транспарту.

Работа па папярэджанні няшчасных выпадкаў з удзелам непаўналетніх на аб'ектах чыгуначнага транспарту праводзіцца на Беларускай чыгунцы рэгулярна і знаходзіцца на асаблівым кантролі.

Разам з тым праблема траўміравання непаўналетніх на аб'ектах чыгуначнага транспарту застаецца актуальнай.

За 11 месяцаў 2022 года пацярпелі 5 непаўналетніх (2 дзіцяці загінулі).

Усяго за гэты перыяд адбылося 86 выпадкаў невытворчага траўматызму, што на 10 выпадкаў менш, чым за аналагічны перыяд мінулага года, колькасць пацярпелых у бягучым годзе склала 88 чалавек. У студзені–лістападзе 2021 года пацярпелі 96 чалавек, з якіх 4 – непаўналетнія (1 дзіця загінула).

Беларуская чыгунка заклікае грамадзян быць больш уважлівымі на аб'ектах чыгуначнага транспарту: не пакідаць дзяцей адных і не дазваляць ім гуляць паблізу чыгуначных пуцей, не хадзіць па чыгуначных пуцях, не пераходзіць іх у неўстаноўленых месцах.

Акрамя таго, забараняецца перабягаць пуці перад цягніком, скакаць з платформаў, падлазіць пад рухомы састаў, катацца на кабінах і дахах маторвагоннага рухомага састава і лакаматываў, класці на пуці староннія прадметы, кідаць камяні ў састаў, які рухаецца, карыстацца паблізу чыгуначнага палатна навушнікамі і размаўляць па мабільным тэлефоне. Захаванне гэтых простых правілаў можа выратаваць жыццё вам і вашым блізкім.

Памятаеце, чыгунка – гэта зона падвышанай небяспекі!

Інфармацыя падрыхтавана прэс-цэнтрам БЧ