Зручна і бяспечна. Беларуская чыгунка пашырыла магчымасці аплаты электронных білетаў

30 снежня 2021

Пасажырам БЧ сталі даступны новыя інструменты аплаты электронных праязных дакументаў на афіцыйным сайце магістралі rw.by і ў мабільным дадатку «БЧ. Мой поезд». Пры куплі электронных білетаў на сайце rw.by зараз можна выкарыстоўваць для аплаты сэрвісы Samsung Pay і Apple Pay, а ў мабільным дадатку – Apple Pay.

Новыя магчымасці аплаты рэалізаваны сумесна з ААТ «ААБ Беларусбанк» і даступны на банкаўскім рэсурсе пры выбары спосабу аплаты заказу з дапамогай плацежных картак.

Дадаткова для зручнасці карыстальнікаў і з мэтай павышэння надзейнасці работы сістэмы афармлення электронных праязных дакументаў на рэсурсах банка рэалізаваны шэраг навін, накіраваных на спрашчэнне працэдуры аплаты заказаў.

Аб папулярнасці электронных каналаў продажаў кажа запатрабаванасць у пасажыраў адпаведных web-рэсурсаў. Так, за 12 месяцаў 2021 года на цягнікі з нумараванымі месцамі было аформлена больш за 3,7 млн электронных білетаў. Гэта перавышае дапандэмійны ўзровень, які па выніках 2019 года дасягнуў свайго папярэдняга максімуму, калі 3,1 млн. пасажыраў аформілі электронныя праязныя дакументы.

Зручнасць, перавага і надзейнасць паслугі, асабліва ва ўмовах небяспекі распаўсюджвання інфекцыйных захворванняў, пацвярджае рост долі электронных білетаў у агульным аб'ёме продажаў. Калі ў 2019 годзе электронныя білеты выкарыстоўвалі 26% пасажыраў цягнікоў з нумараванымі месцамі, то ў 2020 і 2021 гадах іх доля склала 34% і 43% адпаведна.

Беларуская чыгунка працягвае работу па развіцці спосабаў аплаты электронных праязных дакументаў і плануе ў бліжэйшы час прадаставіць магчымасць выкарыстання картак плацежных сістэм МІР і UnionPay.

Акрамя таго, у планах на 1 квартал 2022 года забяспечыць магчымасць вяртання электронных праязных дакументаў з выкарыстаннем web-рэсурсаў да часу адпраўлення цягніка са станцыі пасадкі пасажыра – на цягнікі рэгіянальных ліній бізнес-класа і міжрэгіянальных ліній.

Інфармацыя падрыхтавана прэс-цэнтрам БЧ