Адкрыты продаж білетаў на «Навагодні экспрэс» Дзіцячай чыгункі
01 снежня 2021
«Навагодні Экспрэс» будзе курсіраваць па дзіцячай чыгунцы ім. К. С. Заслонава з 24 снежня па 7 студзеня. У паездку на навагоднім цягніку ў суправаджэнні казачных герояў запрашаюцца ўсе жадаючыя. Юным пасажырам абяцаюць месца ля акна і яркія ўражанні.
На станцыі Сасновы бор будзе арганізавана тэатралізаванае прадстаўленне «Навагодняя прыгода ў краіне казак» на лясной паляне з удзелам персанажаў з дзіцячых казак, мультфільмаў і, вядома ж, Дзеда Мароза і Снягуркі. Займальнае падарожжа не пакіне абыякавымі як дарослых, так і дзяцей.
Падарожжа ў святочна ўпрыгожаных вагонах у госці да Дзеда Мароза можна будзе здзейсніць 24-26, 29-31 снежня, а таксама 1, 2, 6 і 7 студзеня. У гэтыя дні саставы «Навагодняга экспрэса» зробяць ад двух да чатырох рэйсаў. Падрабязны расклад даступны на старонцы Дзіцячай чыгункі на афіцыйным сайце БЧ.
У цягніку прадугледжана рассадка пасажыраў з улікам захавання нормаў сацыяльнага дыстанцыявання. Колькасць месцаў абмежавана.
З 1 снежня папярэдні продаж білетаў на цягнік у казку даступны ў касе Дзіцячай чыгункі па адрасе г. Мінск, пр. Незалежнасці 86. Тэлефоны для даведак: 270 18 75, 244 67 99, 237 65 75.
Набыць білеты можна таксама праз інтэрнэт-сэрвісы bycard.by і 24afisha.by.
Інфармацыя падрыхтавана прэс-цэнтрам БЧ
Да спісу навін за 2021 год