«Надзейны патэнцыял нашай магістралі» вызначылі на Беларускай чыгунцы

23 красавіка 2021

22 красавіка 2021 года ў Палацы культуры і спорту чыгуначнікаў у рамках мерапрыемстваў, прымеркаваных да Года народнага адзінства, адбыўся конкурс «Надзейны патэнцыял нашай магістралі» сярод работнікаў арганізацый Беларускай чыгункі. Ён быў арганізаваны з мэтай перадачы перадавога вопыту работы маладым спецыялістам, а таксама павышэння прэстыжу прафесій чыгуначнага транспарту. У ім прынялі ўдзел 6 каманд-пераможцаў адборачных тураў: па адной камандзе ад кожнага аддзялення, у складзе якой малады спецыяліст і яго настаўнік.

Конкурс складаўся з 4 этапаў: «Даты і людзі» (удзельнікі павінны былі вызначыць 2 падзеі: адно з эпохі СССР, а другое XXI стагоддзя), «Нам песня будаваць і жыць дапамагае» (удзельнікі выконваюць рэмікс папулярнай песні XX стагоддзя), «Любімае кіно» (удзельнікі павінны былі адгадаць папулярныя кінафільмы па іх фрагментах) і «Прафесіяналы сваёй справы» (аднаму з удзельнікаў неабходна было растлумачыць паняцце, выкарыстоўваючы яго апісанне, жэсты, элементы пантамімы, а другому яго адгадаць).

Як адзначыў старшыня журы, намеснік Начальніка Беларускай чыгункі Пётр Стоцкі, усе каманды прадэманстравалі высокі ўзровень падрыхтоўкі, творча падышлі да выканання заданняў і годна раскрылі свае магчымасці.

Па выніках конкурсу перамогу атрымала каманда Аршанскай дыстанцыі электразабеспячэння Мінскага аддзялення Беларускай чыгункі Павел Шупеня і Сяргей Сівагракаў, на другую ступень п'едэстала гонару падняліся прадстаўнікі Гомельскай дыстанцыі электразабеспячэння Андрэй Вароніч і Ілля Янчанка, трэцяга месца ўдастоена каманда Брэсцкага вагоннага ўчастка Сяргей Галавач і Ірына Мароз.

Пераможцам былі ўручаны дыпломы і памятныя прызы. Удзельнікі конкурсу, якія не занялі прызавыя месцы, атрымалі памятныя падарункі ад Аб'яднанай галіновай прафсаюзнай арганізацыі чыгуначнікаў і транспартных будаўнікоў.  

Інфармацыя падрыхтавана прэс-цэнтрам БЧ