Беларуская чыгунка падвяла вынікі агляду-конкурсу на лепшую дзіцячую аздараўленчую ўстанову ў 2016 годзе

19 верасня 2016

Пераможцам агляду-конкурсу на лепшую дзіцячую аздараўленчую ўстанову Беларускай чыгункі ў 2016 годзе прызнаны дзіцячы аздараўленчы лагер «Магістраль» Віцебскага аддзялення БЧ. Другое месца заняў дзіцячы аздараўленчы лагер «Вярба» Брэсцкага аддзялення дарогі, трэцяе месца ў дзіцячага аздараўленчага лагера «Лясное возера» Мінскага аддзялення БЧ.

У аглядзе-конкурсе прымалі ўдзел усе 8 дзіцячых аздараўленчых устаноў БЧ — лагеры ім. «Гастэла» і «Лясное возера» (Мінскае аддзяленне БЧ), «Іса» і «Азёры» (Баранавіцкае аддзяленне), «Вярба» (Брэсцкае аддзяленне), «Лясныя далі» (Гомельскае аддзяленне), «Дубравенка» (Магілёўскае аддзяленне) і «Магістраль» (Віцебскае аддзяленне).

Крытэрыі ацэнкі ўдзельнікаў конкурсу былі досыць шырокімі—- арганізацыя рэжыму дня і харчавання дзяцей, медыцынскае абслугоўванне, арганізацыя вольнага часу, эфектыўнасць аздараўлення, добраўпарадкаванне і выкарыстанне вадаёмаў, выкананне правіл па ахове работы і тэхніцы бяспекі, наяўнасць дзяржаўнай і чыгуначнай сімволікі і інш.

Трэба адзначыць, што ў такім фармаце агляд-конкурс на Беларускай чыгунцы праводзіцца з 2012 года.

У цэлым жа гадовая аздараўленчая кампанія праведзена ў гэтым годзе на высокім узроўні.

Было арганізавана 5—6 разавае харчаванне дзяцей з улікам 3-х узроставых груп.

 Ва ўсіх дзіцячых аздараўленчых лагерах надавалася вялікая ўвага фарміраванню здаровага ладу жыцця ў дзяцей: праводзіліся розныя спартыўныя мерапрыемствы, тэматычныя конкурсы і віктарыны, былі арганізаваны выставы плакатаў, абсталяваны інфармацыйныя стэнды, выпушчаныя санбюллетени. Акрамя таго, медыцынскім персаналам прачытаныя серыі лекцый і праведзены гутаркі на актуальныя тэмы.

Усяго ў летні сезон 2016 года ў дзіцячых аздараўленчых установах БЧ адпачылі больш за 6 тысяч дзяцей ва ўзросце ад 6 да 18 гадоў, сярод якіх 4 тысячы 509 дзяцей работнікаў Беларускай чыгункі.

Інфармацыя падрыхтавана прэс-цэнтрам БЧ