Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Беларуская чыгунка працягвае ўкараненне праграмна-тэхнічных сістэм і комплексаў уласнай вытворчасці

02 жніўня 2016

У Цэнтры кіравання перавозкамі Упраўлення Беларускай чыгункі ўведзена ў эксплуатацыю сістэма ГІД «Нёман» Мінскага вузла. Праект рэалізаваны Беларускай чыгункай з мэтай удасканалення арганізацыі кіравання перавозачным працэсам, павышэння бяспекі руху.

Сістэма ГІД «Нёман» дазваляе ў аўтаматычным рэжыме весці на працоўным месцы цягніковага дыспетчара выкананы графік руху цягнікоў з яго адлюстраваннем на маніторы кампутара. ГІД «Нёман» з'яўляецца элементам інфармацыйна-кіруючай сістэмы па арганізацыі перавозачнага працэсу, якая функцыянуе ў кругласутачным рэжыме. Тэхнічныя сродкі ГІД забяспечваюць адлюстраванне на маніторы выкананага, перспектыўнага і планавага графікаў руху цягнікоў.

Дадатак да ГІД «Нёман» з'яўляецца адным з элементаў сістэмы вядзення графіка руху цягнікоў, якія ўваходзяць у склад АРМ ДНЦ. У Дадатку канцэнтруецца ў зручным для карыстальніка выглядзе інфармацыя аб наяўнасці вагонаў на станцыях дыспетчарскага ўчастка, аб складах цягнікоў і вырабляемай з імі рабоце, неабходныя пазнакі аб затрымках і збоях і іншая інфармацыя.

 

Выкананне дадзенага комплексу работ дазволіць працягнуць праект фарміравання адзінай базы дадзеных па вядзенні выкананага графіка руху цягнікоў у цэлым на палігоне Беларускай чыгункі.

Укараненне сістэмы ГІД «Нёман» значна павысіць эфектыўнасць працы цягніковых дыспетчараў чыгуначных вузлоў. Аўтаматычнае вядзенне выкананага графіка руху (рэгістрацыя часу праходжання кожным цягніком станцый участку) выключыць чалавечы фактар і ў перспектыве дасць магчымасць аўтаматызаваць ўлік, аналіз, а таксама планаванне цягніковай працы на участках беларускай магістралі.

Выкарыстанне ГІД «Нёман» дазволіла арганізаваць кіраванне рухам цягнікоў на ўзбуйненным дыспетчарскім участку Мінск—Брэст, працягласцю 312 км, які ўваходзіць у 2 Агульнаеўрапейскі транспартны калідор, а таксама на ўчастках Асіповічы—Маладзечна, Мінск—Орша і інш.

ГІД «Нёман» з'яўляецца распрацоўкай канструктарска-тэхнічнага цэнтра (КТЦ) Беларускай чыгункі. Сістэма функцыянуе ў цесным узаемадзеянні з мікрапрацэсарнай дыспетчарскай цэнтралізацыяй «Нёман» графік выкананага руху цягнікоў, які фармуецца на падставе імпульсаў тэлесігналізацыі дыспетчарскай цэнтралізацыі «Нёман». ДЦ «Нёман» уяўляе сабой набор праграмна-апаратных сродкаў, якія дазваляюць ажыцявіць дыстанцыйны кантроль і кіраванне аб'ектамі чыгуначнай аўтаматыкі, забяспечыць арганізацыю і кіраванне перавозачным працэсам. Выкарыстанне ДЦ «Нёман» на БЧ дазволіла істотна павялічыць працягласць дыспетчарскіх участкаў і забяспечыць іх найбольш поўнай інфармацыяй аб аператыўнай цягніковай сітуацыі, стане прылад СЦБ, сувязі і энергазабеспячэння.

Акрамя адлюстравання графіка выкананага руху ГІД «Нёман» мае шэраг дадатковых функцый, уключаючы аўтаматычную сістэму адлюстравання папярэджанняў і аўтаматычнае фарміраванне справаздачнай формы-дадатку да графіку руху цягнікоў.

Укараненне дадзенай сістэмы стала добрым вытворчым падарункам калектыву Канструктарска-тэхнічнага цэнтра (КТЦ) да свайго юбілею. 1 жніўня прадпрыемства адзначыла 30-гадовы юбілей.

Інфармацыя падрыхтавана прэс-цэнтрам БЧ

Да спісу навін за 2016 год