«Лепшага спецыяліста па ахове працы» за 2015 год выбралі на Беларускай чыгунцы

18 мая 2016

Беларуская чыгунка падвяла вынікі конкурсу «Лепшы спецыяліст па ахове працы» за 2015 год. Спаборніцтва праходзіла ў два этапы. Спачатку праводзіўся адбор удзельнікаў у аддзяленнях магістралі, а затым спецыялісты пацвярджалі ўзровень сваіх ведаў падчас сумоўя, якое было арганізавана ва Упраўленні Беларускай чыгункі. Па выніках конкурсу пераможцам прызнана інжынер па ахове працы Аршанскай дыстанцыі сігналізацыі і сувязі УП «Мінскае аддзяленне Беларускай чыгункі» Алена Папова. Таксама журы высока ацаніла веды інжынера па ахове працы станцыі Наваполацк УП «Віцебскае аддзяленне Беларускай чыгункі» Валянціны Парчынскай і вядучага інжынера па ахове працы Гомельскага вагоннага ўчастка РУП «Гомельскае аддзяленне Беларускай чыгункі» Аляксандра Каваленкі.

Дадзены конкурс штогод праводзіцца на беларускай магістралі ў мэтах павышэння эфектыўнасці і якасці працы, стварэння ў арганізацыях БЧ бяспечных і здаровых умоў працы, павышэння прэстыжу і значнасці пасады «Спецыяліст па ахове працы», а таксама прапаганды станоўчага вопыту работы ў гэтай галіне і прыцягнення ўвагі працадаўцаў і работнікаў да пытанняў паляпшэння ўмоў працы.

Трэба адзначыць, што на Беларускай чыгунцы таксама праводзяцца конкурсы на лепшае працоўнае месца па ахове працы і на лепшы праект (ідэю) па паляпшэнні ўмоў і аховы працы.

Інфармацыя падрыхтавана прэс-цэнтрам БЧ