На Беларускай чыгунцы выбралі лепшую маладзёжную лакаматыўную брыгаду

18 красавіка 2016

 Беларуская чыгунка падвяла вынікі спаборніцтва сярод моладзевых лакаматыўных брыгад па выніках працы за 2015 год. Усяго ў спаборніцтве прынялі ўдзел 64 брыгады. Удзельнікі конкурсу ацэньваліся па наступных крытэрыях: забеспячэнне брыгадай выканання графіка руху цягнікоў, нормаў расходу паліўна-энергетычных рэсурсаў, узровень адукацыі моладзевай лакаматыўнай брыгады, удзел машыніста ў правядзенні школ перадавога вопыту і інш.

У выніку пераможцам спаборніцтва прызнана моладзевая лакаматыўная брыгада лакаматыўнага дэпо Орша УП «Мінскае аддзяленне Беларускай чыгункі» (машыніст электравоза Тыманюк Дзмітрый Анатольевіч, памочнік машыніста Шайдо Віталь Ігаравіч).

Другое месца па выніках спаборніцтва прысуджана моладзевай лакаматыўнай брыгадзе лакаматыўнага дэпо Гомель РУП «Гомельскае аддзяленне Беларускай чыгункі» (машыніст дызель-цягніка Камаренцеў Алег Аляксандравіч, памочнік машыніста Трубенеў Дзяніс Мікалаевіч).

На трэцім месцы — моладзевая лакаматыўная брыгада лакаматыўнага дэпо Брэст РУП «Брэсцкае аддзяленне Беларускай чыгункі» (машыніст цеплавоза, электравоза Вяроўкін Арцём Сяргеевіч, памочнік машыніста Ігнатовіч Дзмітрый Ігаравіч).

Інфармацыя падрыхтавана прэс-цэнтрам БЧ