Перспектывы развіцця Беларускай чыгункі на 2016 год разгледжаны сёння на выніковым пасяджэнні тэхніка-эканамічнага савета

22 студзеня 2016

Вынікі працы чыгуначнай галіны ў мінулым годзе і задачы на ​​2016 год былі разгледжаны 22 студзеня на выніковым пасяджэнні тэхніка-эканамічнага савета Беларускай чыгункі, якое адбылося на базе лакаматыўнага дэпо Мінск.

Мерапрыемства прайшло з удзелам міністра транспарту і камунікацый Рэспублікі Беларусь Анатоля Сівака, кіраўнікоў і прадстаўнікоў органаў дзяржаўнага кіравання Беларусі, службаў і арганізацый Беларускай чыгункі і іншых афіцыйных асоб.

З асноўным дакладам, прысвечаным выніках дзейнасці БЧ ў 2015 годзе і задачам на 2016 год, выступіў Начальнік Беларускай чыгункі Уладзімір Марозаў. Ён адзначыў, што для Беларускай чыгункі мінулы год быў няпростым, у першую чаргу з-за знешніх фактараў, якія негатыўна паўплывалі на аб'ём транзітных перавозак грузаў і пасажыраў. Нягледзячы на ​​гэта чыгуначным транспартам у 2015 годзе забяспечана выкананне ўсіх заявак кліентаў. Перавозка грузаў склала больш 131 млн тон (больш 1,4 млн вагонаў, ці ў сярэднім 3900 вагонаў у суткі).

Беларуская чыгунка прымала меры па захаванню лідзіруючых пазіцый у транспартным комплексе рэспублікі. На долю чыгуначнага транспарту даводзіцца 62% у грузаабароце, 36% у пасажыраабароце, 25% у аб'ёме экспарту транспартных паслуг. Як вынік — ўклад Беларускай чыгункі ў ВУП рэспублікі склаў каля 2,2%, у бюджэт рэспублікі ў выглядзе падаткаў і адлічэнняў пералічана 3,8 трлн рублёў.

Па выніках працы за год БЧ перавезена 87,1 млн чалавек. Уладзімір Марозаў адзначыў, што на працягу 2015 года асаблівай папулярнасцю ў насельніцтва карысталіся цягнікі гарадскіх ліній, якімі перавезена 3,3 млн чалавек, або 127,5% да 2014 года. Цягнікамі рэгіянальных ліній бізнес-класа скарысталіся больш за 2 млн чалавек, або 120,2% да 2014 года, цягнікамі міжрэгіянальных ліній бізнес-класа — каля 1 млн чалавек, або 146,5%. У 2015 годзе рэалізаваны чарговы этап паскарэння цягнікоў міжрэгіянальных ліній, якія забяспечваюць сувязь паміж сталіцай і абласнымі цэнтрамі Брэстам, Віцебскам і Гродна. Павялічана частата руху цягнікоў у зносінах паміж Мінскам і Магілёвам па выхадных днях.

Развіццё тарыфных планаў і маркетынгавых ініцыятыў дазволіла дадаткова прыцягнуць на чыгуначны транспарт больш 319 тыс. пасажыраў. Працягвалася работа па стварэнні сучасных формаў абслугоўвання. У 2015 годзе з выкарыстаннем тэрміналаў самаабслугоўвання аформлена 501,9 тыс. праязных дакументаў, што больш у 2,2 разы да 2014 года. З выкарыстаннем сеткі Інтэрнэт у 2015 годзе пасажырамі аформлена каля 1,5 млн заказаў, або 138,8% да мінулага года. Удзельная вага продажу квіткоў праз Інтэрнэт у агульным аб'ёме рэалізацыі павялічыўся з 6,5% у 2014 да 10% у 2015 годзе.

Кажучы аб інвестыцыйнай палітыцы, Уладзімір Марозаў адзначыў, што ў 2015 годзе па Беларускай чыгунцы асвоена інвестыцый у асноўны капітал у памеры 3,5 трлн рублёў. Завершана рэалізацыя такіх значных для развіцця інфраструктуры аб'ектаў будаўніцтва як «Аўтаблакіроўка ўчастка Асіповічы—Жлобін. 2-я чарга будаўніцтва», «Падаўжэнне прыёма-адпраўных пуцей парку «Е» станцыі Орша-Цэнтральная», «Станцыя Сітніца Беларускай чыгункі. Развіццё. 2-я чарга будаўніцтва», «Электрыфікацыя ўчасткаў Гомель—Жлобін—Асіповічы і Жлобін—Калінкавічы. 2-я чарга. Участак Гомель—Жлобін». Прадоўжаны работы на аб'ектах «Мікрапрацэсарная цэнтралізацыя Жлобінскага вузла», «Мадэрнізацыя прылад электрычнай цэнтралізацыі і аўтаблакіроўкі на ўчастку Жлобін—Гомель».

У далейшым плануецца ўкараненне МПЦ «Днепр» у тым ліку на галоўным хаду Беларускай чыгункі.

Пачаты работы па рэалізацыі праекту «Электрыфікацыя напрамка Маладзечна—Гудагай—дзяржмяжа» для забеспячэння павышэння транзітнай прывабнасці участкаў Міжнародных транспартных калідораў, якія праходзяць па тэрыторыі Рэспублікі Беларусь.

Па выніках 2015 года уведзены ў эксплуатацыю 31 аб'ект капітальнага будаўніцтва. На абнаўленне рухомага састава Беларускай чыгункі ў 2015 годзе накіравана 469,1 млрд рублёў.

Дзякуючы актыўнаму ўкладанню сродкаў у інвестыцыі ў апошнія гады намецілася тэндэнцыя зніжэння зносу асноўных сродкаў. Калі ў 2010 годзе знос складаў 63%, то ў 2015 годзе ён ацэньваецца ў 53%.

На тэхніка-эканамічным савеце было нададзена ўвага пытаннях паляпшэння ўмоў і аховы працы. Да прыкладу, на выкананне мерапрыемстваў у 2015 годзе было накіравана больш за 94 млрд руб., што дазволіла прывесці ў адпаведнасць з гігіенічнымі нарматывамі 570 працоўных месцаў для 874 работнікаў, палепшыць умовы працы 440 работнікам, павысіць кваліфікацыю па ахове працы 6287 работнікам, абсталяваць у арганізацыях 63 кабінета.

У галіне кадравай палітыкі Уладзімір Марозаў падкрэсліў, што падрыхтоўка кваліфікаванага персаналу з'яўляецца важным складнікам стратэгіі ўстойлівага развіцця галіны. У 2015 годзе было нададзена ўвага фарміраванню і развіццю адзінай стратэгіі кіравання кадравым патэнцыялам, планамернай і мэтанакіраванай працы па забеспячэнні галіны прафесійнымі, кваліфікаванымі кадрамі.

У 2015 годзе на дарогу прыбыло 1447 выпускнікоў устаноў адукацыі, што складае 19% ад зноў прынятых на працу, з іх 295 чалавек з вышэйшай адукацыяй.

Уладзімір Марозаў запатрабаваў ад кіраўнікоў арганізацый беларускай магістралі больш сур'ёзна і адказна падыходзіць да забеспячэння якасці навучання. Таксама неабходна працягнуць працу па далейшым удасканаленні і развіцці сфарміраванай на дарозе сістэмы матывацыі высокапрадукцыйнай працы работнікаў. Ён падкрэсліў, што толькі ў мінулым годзе 1,5 тысячы работнікаў дарогі ўзнагароджаны галіновымі ўзнагародамі.

У 2015 годзе разам з усім прагрэсіўным чалавецтвам чыгуначнікі адзначылі 70-годдзе Перамогі савецкага народа ў Вялікай Айчыннай вайне. Вялікі рэзананс выклікалі ў грамадстве міжнародная акцыя «Цягнік Дружбы ветэранаў вайны супраць нацызму» і моладзевы агітцягнік «Кветкі Вялікай перамогі».

У мэтах прыцягнення моладзі да вырашэння вытворчых задач пры ўдзеле галіновага камітэта ГА «БРСМ» на дарозе створаны і працуюць 29 моладзевых цягніковых брыгад, 64 моладзевыя лакаматыўныя брыгады.

Пад знакам Года моладзі праведзены шэраг буйных мерапрыемстваў, сярод якіх мерапрыемствы, прысвечаныя 60-годдзю Дзіцячай чыгункі, XVI Чэмпіянат МССЖ па валейболе сярод мужчынскіх каманд і многія іншыя.

Для забеспячэння развіцця перавозачнай дзейнасці ў міжнародных чыгуначных зносінах, удасканалення і актуалізацыі нарматыўнай базы Беларускай чыгункай у 2015 годзе ажыццяўлялася супрацоўніцтва з чыгункамі краін СНД, Еўрапейскага саюза і далёкага замежжа, Саветам па чыгуначным транспарце і Арганізацыяй супрацоўніцтва чыгунак.

У мэтах прыцягнення транзіту праведзены шэраг канферэнцый, нарад, тэматычных круглых сталоў, а таксама забяспечаны ўдзел у міжнародных спецыялізаваных выставах і канферэнцыях, арганізаваных у Расіі, Германіі, Кітаі і іншых краінах.

Актыўнае супрацоўніцтва з замежнымі кампаніямі дазволіла дасягнуць завяршальнай стадыі рэалізацыі шэрагу тэхнічных праектаў. Ва ўзаемадзеянні з Літоўскімі чыгункамі пачата рэалізацыя апошняй стадыі праекта арганізацыі хуткаснага паведамлення Мінск—Вільнюс.

Начальнік Беларускай чыгункі падкрэсліў, што ў 2016 годзе ў сферы міжнароднай дзейнасці дарозе неабходна забяспечыць рашэнне шэрагу прыярытэтных задач. Ключавой з іх з'яўляецца эфектыўная рэалізацыя палажэнняў Дырэктывы Прэзідэнта Рэспублікі Беларусь №5 «Аб развіцці двухбаковых адносін Рэспублікі Беларусь з Кітайскай Народнай Рэспублікай» ў частцы чыгуначнага транспарту і транспартнай лагістыкі. Асаблівую ўвагу трэба надаць развіццю транзітных кантэйнерных перавозак грузаў у напрамку Кітай—Заходняя Еўропа ў рамках праекта «Эканамічны пояс Шаўковага шляху».

Варта таксама працягнуць сумесную працу з чыгуначнымі адміністрацыямі і пасажырскімі кампаніямі суседніх дзяржаў па ўсталяванні канкурэнтаздольных тарыфных умоў з мэтай захавання пасажырапатоку ў міжнародных зносінах.

На пасяджэнні ТЭС былі агучаны і іншыя важнейшыя перспектыўныя задачы Беларускай чыгункі на 2016 год, у тым ліку выкананне паказчыкаў сацыяльна-эканамічнага развіцця, даведзеных Мінтрансам. Будзе працягнута рэалізацыя важнейшых інвестыцыйных праектаў.

Уладзімір Марозаў заклікаў калектыў дарогі знешнія негатыўныя фактары кампенсаваць сістэмнай працай па павышэнню эфектыўнасці нашай дзейнасці.

Адной з асноўных задач павінна стаць абмежаванне росту затрат за кошт удасканалення тэхналогій, скарачэння непрадукцыйных расходаў, ліквідацыі няпрофільных відаў дзейнасці, павышэння эфектыўнасці інвестыцый у асноўны капітал.

Кіраўнікамі ўсіх арганізацый зацверджаны дэталёвыя планы мер па зніжэнні затрат ў 2016 годзе. Задача кіраўнікоў і спецыялістаў усіх узроўняў - забяспечыць іх якасную рэалізацыю, зэканомленыя сродкі накіроўваць на вытворчыя і інвестыцыйныя патрэбы, забеспячэнне бяспекі руху цягнікоў.

Рэалізацыя намечаных задач дасць магчымасць калектыву Беларускай чыгункі выканаць даведзеныя на 2016 год паказчыкі сацыяльна-эканамічнага развіцця.

З заключным словам на пасяджэнні тэхніка-эканамічнага савета выступіў міністр транспарту і камунікацый Анатоль Сівак. У сваім выступе ён ацаніў працу Беларускай чыгункі ў 2015 годзе як здавальняючую, у той жа час пазначыў шэраг пытанняў, якія патрабуюць больш пільнай увагі. Анатоль Сівак адзначыў зніжэнне долі ўкладу БЧ у транспартную галіну па валаваму дабаўленаму кошту з 27,1% у 2014 да 25,9% па выніках 2015-га года. У той жа час ён выказаў упэўненасць, што дарога мае дастатковы патэнцыял і ў стане пераламаць гэтую тэндэнцыю. Адным з прыярытэтных напрамкаў развіцця беларускай магістралі міністр назваў далейшае ўдасканаленне сістэмы працы з кліентамі. Ён адзначыў неабходнасць абнаўлення ў грузавой гаспадарцы, у першую чаргу шляхам прыцягнення кваліфікаваных лагістаў і маркетолагаў. Анатоль Сівак заклікаў узмацніць інфраструктуру экспартных паслуг Беларускай чыгункі за мяжой, у тым ліку за кошт комплексных падыходаў і выпрацоўкі эфектыўнай тарыфнай палітыкі. Таксама кіраўнік транспартнага ведамства парэкамендаваў больш старанна выбудоўваць фінансавую мадэль дарогі - з улікам эфектыўнасці інвестыцыйных праграм. Акрамя таго, неабходна выпрацоўваць канкрэтныя рашэнні і выходзіць з канструктыўнымі прапановамі, у тым ліку і ў адрас Міністэрства транспарту і камунікацый па распрацоўцы нарматыўных дакументаў, накіраваных на павышэнне эфектыўнасці работы Беларускай чыгункі. У заключэнне Анатоль Сівак пажадаў усяму калектыву дарогі руху толькі наперад і паспяховага выканання задач якія стаяць перад ім.

Інфармацыя падрыхтавана прэс-цэнтрам БЧ