Беларуская чыгунка і тураператары абмеркавалі пытанні перавозак пасажыраў у летнім сезоне-2015 на круглым стале ў Мінску
09 чэрвеня 2015
У пачатку чэрвеня спецыялісты Беларускай чыгункі арганізавалі круглы стол з прадстаўнікамі вядучых турыстычных кампаній Беларусі, прымеркаваны пачатку летніх перавозак. Падобныя сустрэчы ўжо сталі традыцыйнымі і праводзяцца БЧ на рэгулярнай аснове з мэтай павышэння прывабнасці пасажырскіх перавозак чыгуначным транспартам.
У ходзе сустрэчы чыгуначнікі прэзентавалі тураператарам новыя маршруты руху цягнікоў да месцаў масавага адпачынку на узбярэжжах Азоўскага і Чорнага мораў, прадставілі інфармацыю аб магчымасцях выкарыстання чыгуначнага транспарту ў фарміраванні розных турыстычных праграм.
Як паведаміў першы намеснік начальніка пасажырскай службы Беларускай чыгункі Андрэй Кашко, у тым ліку ўдзельнікі круглага стала абмеркавалі пытанні перавозкі груп пасажыраў па новых маршрутах — да Варны праз Малдову, да Херсона, да Новаалексееўкі. «Беларуская чыгунка прэзентавала турыстычным арганізацыям розныя тарыфныя прапановы, як на новых, так і на традыцыйных чыгуначных маршрутах, якія дазваляюць ўлічыць пажаданні кліента па камфорце праезду, у спалучэнні з гнуткай сістэмай скідак для груп пасажыраў», — адзначыў Андрэй Кашко.
Па выніках круглага стала інфармацыя аб прызначэнні з 17 чэрвеня цягніка №374 / 373 Мінск–Варна была таксама накіравана ў адрас 15 расійскіх турыстычных аператараў.
Інфармацыя падрыхтавана прэс-цэнтрам БЧ
Да спісу навін за 2015 год