Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Беларуская чыгунка прыме ўдзел у 20-й міжнароднай транспартнай выставе «ТрансРасія-2015», якая пройдзе ў Маскве 21—24 красавіка

08 красавіка 2015

Ўдзел у выставе — гэта, першым чынам, рэклама магчымасцяў Беларускай чыгункі з мэтай прыцягнення дадатковых грузапатокаў.

«ТрансРасія» на працягу шматлікіх гадоў утрымлівае пазіцыі найбуйнага ва Ўсходняй Еўропе мерапрыемства па транспарце і лагістыцы.

Выкарыстоўваючы пляцоўку выставы, спецыялісты беларускай магістралі плануюць правесці шэраг сустрэч з прадстаўнікамі чыгуначных транспартных і экспедытарскіх кампаній Расіі, Латвіі, Літвы, Казахстана, Германіі па развіцці транзітных перавозак. Беларуская чыгунка запрашае на свой стэнд, які размесціцца ў павільёне № 1, у зале № 4, на стэндзе № D115.

Важную ўвагу на выставе спецыялісты дарогі нададуць рэкламе кантрэйлерных і кантэйнерных перавозак. У наш час па Беларускай чыгунцы рэгулярна курсіруюць больш 15 кантэйнерных цягнікоў, колькасць і геаграфія якіх увесь час павялічваецца.

 

На стэндзе Беларускай чыгункі будуць прадстаўлены інфармацыйна-рэкламныя матэрыялы пра паслугі магістралі, тэхнічныя, тэхналагічныя, перагрузачныя магутнасці дарогі, тарыфную палітыку. Свае магчымасці прадэманструе на выставе дзяржаўнае прадпрыемства «БЕЛІНТЭРТРАНС - транспартна-лагістычны цэнтр Беларускай чыгункі», якое аказвае поўны комплекс транспартна-экспедыцыйных паслуг, мае філіялы ў абласных цэнтрах рэспублікі, прадстаўлена за мяжой — у Расіі, Літве, Германіі.

 

Інфармацыя падрыхтавана прэс-цэнтрам БЧ

Да спісу навін за 2015 год