Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language

Двухбаковае i шматбаковае супрацоўнiцтва

Вялікае значэнне надаецца развіццю двухбаковых і шматбаковых адносін з чыгуначнымі кампаніямі краін СНД, Балтыі і Заходняй Еўропы — асноўнымі партнёрамі па грузаперавозках і пасажырскім паведамленні.

З ААТ «Расійскія чыгункі» — стратэгічным партнёрам Беларускай чыгункі — праводзіцца работа:

  • па развіцці грузавых перавозак, у тым ліку ў напрамку Калінінградскай вобласці;
  • па развіцці кантэйнерных перавозак, фармаванню новых кантэйнерных маршрутаў;
  • па развіцці пасажырскіх перавозак, павышэнню хуткасцей пасажырскіх цягнікоў у міжнародных зносінах, у тым ліку цягніком «Стрыж» па маршруце Масква—Брэст—Берлін з выкарыстаннем пункта аўтаматычнай змены шырыні каляіны ў г. Брэсце.

Паступальна развіваецца супрацоўніцтва Беларускай чыгункі з АТ «НК» Казахстанскія чыгункі» па нарошчванню аб'ёмаў перавозак грузаў у зносінах Беларусь—Казахстан—Беларусь, а таксама па забеспячэнню транзітных перавозак грузаў, якія ідуць з рэгіёнаў Казахстана і краін Цэнтральнай Азіі ў краіны Заходняй Еўропы.

Сумесна з расійскімі і казахстанскімі чыгункамі вядзецца праца па праекце Аб'яднанай транспартна-лагістычнай кампаніі, (АТ «ОТЛК»), дзейнасць якой накіравана на арганізацыю і развіццё кантэйнерных перавозак у напрамку Кітай—Еўропа—Кітай у рамках рэалізуемай канцэпцыі «Эканамічнага пояса Шаўковага шляху».

Супрацоўніцтва з чыгункамі Балтыйскага рэгіёна ажыцяўляецца ў рамках рэалізацыі сумесных праектаў, якія накіраваны на развіццё эканамічных сувязяў Рэспублікі Беларусь з краінамі Балтыйскага рэгіёна:

  • забеспячэнне перавозак беларускай знешнегандлёвай прадукцыі праз парты краін Балтыі;
  • арганізацыя перавозак цягніком камбінаванага транспарту «Вікінг» і кантэйнерным цягніком «ZUBR»;
  • электрыфікацыя напрамкі Маладзечна—Гудагай—Н. Вільня з арганізацыяй пасажырскіх перавозак у зносінах Мінск—Вільнюс з выкарыстаннем сучасных электрацягнікоў.

Супрацоўніцтва з АТ «Польскія дзяржаўныя чыгункі» і яе даччынымі кампаніямі вядзецца на аснове шматбаковага ўзаемадзеяння і партнёрства.

Актыўна развіваецца супрацоўніцтва Беларускай чыгункі ў галіне перавозак грузаў з шэрагам еўрапейскіх ліцэнзаваных перавозчыкаў на беларуска-польскай мяжы.

У мэтах рэалізацыі кітайскай канцэпцыі «Адзін пояс, адзін шлях» па пытаннях транспарту і лагістыкі ў красавіку 2017 года чыгункамі Кітая, Беларусі, Германіі, Казахстана, Манголіі, Польшчы і Расіі падпісана Пагадненне аб паглыбленні супрацоўніцтва па арганізацыі кантэйнерных цягнікоў у зносінах Кітай-Еўропа .

У рамках рэалізацыі палажэнняў Пагаднення праводзіцца сумесная работа па пытаннях:

  • павышэння канкурэнтаздольнасці грузавых чыгуначных перавозак у міжнародных зносінах;
  • павелічэння аб'ёмаў перавозак грузаў у зносінах Кітай-Еўропа паскоранымі кантэйнернымі цягнікамі.

Асаблівая ўвага надаецца ўзаемадзеянню з бізнес-супольнасцю: асноўнымі грузаўладальнікамі, якія ажыцяўляюць перавозкі грузаў па тэрыторыі Рэспублікі Беларусь, стывідорнымі кампаніямі, аператарамі рухомага саставу, экспедытарскімі арганізацыямі з мэтай прыцягнення дадатковых аб'ёмаў перавозак грузаў на Беларускую чыгунку.

У красавіку 2019 года ў г. Франкфурце-на-Майне (Германія) пры падтрымцы Пасольства Рэспублікі Беларусь у Федэратыўнай Рэспубліцы Германія Беларускай чыгункай арганізавана міжнародная канферэнцыя па пытаннях развіцця транспарту і лагістыкі ў рамках кітайскай ініцыятывы «Адзін пояс, адзін шлях». Канферэнцыя паслужыла пляцоўкай для канструктыўнага дыялогу кіраўнікоў і прадстаўнікоў чыгуначных кампаній, лагістычных тэрміналаў, партоў, экспедытарскіх кампаній і іншых удзельнікаў міжнароднага рынку транспартна-лагістычных паслуг з краін Заходняй Еўропы, Беларусі, Расіі, Казахстана і Кітая.

У другім квартале 2020 года г. Франкфурце на Майне (Германія) з нямецкімі дзелавымі коламі запланавана правядзенне чарговай канферэнцыі на тэму: «З Еўропы ў Кітай па Новым Шаўковым шляху: чыгуначная лагістыка транзітам праз Беларусь» з удзелам прадстаўнікоў асноўных грузаўладальнікам, стывідорных кампаній, аператараў рухомага складу, экспедытарскіх арганізацый

Таксама Беларуская чыгунка прымае актыўны ўдзел у міжнародных выставах, міжнародных форумах і канферэнцыях з мэтай рэкламы транзітнага патэнцыялу Рэспублікі Беларусь і экспартных магчымасцяў прадпрыемстваў, якія выпускаюць прадукцыю чыгуначнага прызначэння; удзельнічае ў арганізацыі і правядзенні мерапрыемстваў у рамках Беларускага транспартнага тыдня; праводзіць тэматычныя круглыя ​​сталы і канферэнцыі з удзелам бізнес-супольнасці.

СохранитьСохранить