Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Электрыфікацыя і электразабеспячэнне

Гаспадарка электрыфікацыі і электразабеспячэння ўключае ў сябе 7 дыстанцый: Мінскую, Баранавіцкую, Брэсцкую, Гомельскую, Магілёўскую, Віцебскую і Аршанскую. Адна  з іх — Віцебская — абслугоўвае неэлектрыфiкаваныя ўчасткі чыгункі. У гаспадарцы электрыфікацыі і электразабеспячэння ёсць чыгуначная электратэхнічная лабараторыя, 24 цягавыя падстанцыі, кантактную сетку абслугоўваюць 32 раёна кантактнай сеткі, энергетыку — 18 раёнаў электразабеспячэння.
 
Эксплуатацыйная даўжыня электрыфікаваных участкаў чыгункі — 1369 км, што складае 25% ад агульнай працягласці чыгункі, у тым ліку на пераменным току — 1342,6 км, на пастаянным — 26,4 км. Участкі працуюць на пераменным току напружаннем 27,5 кВ, 2х25 кВ і на пастаянным току напружаннем 3,3 кВ.  Даўжыня паветраных ліній 6-10 кВ складае 6554 км, кабельных ліній 6-10 кВ — 1371 км. Колькасць работнікаў у гаспадарцы складае 1696 чалавек.

Асноўная задача гаспадаркі электрыфікацыі і электразабеспячэння — бесперабойнае забеспячэнне электраэнергіяй аб'ектаў і  ўстройстваў чыгункі, забеспячэнне надзейнай працы ўстройстваў кантактнай сеткі, ліній электразабеспячэння, далейшае развіццё гаспадаркі  электрыфікацыі і электразабеспячэння на аснове перадавых дасягненняў у галіне электраэнергетыкі і чыгуначнага транспарту.
 
Асноўнымі напрамкамі ў развіцці гаспадаркі электрыфікацыі і электразабеспячэння з'яўляюцца асваенне сучаснага абсталявання і тэхналогій, арганізацыя выпуску імпартуемай прадукцыі на прадпрыемствах чыгункі і рэспублікі, мадэрнізацыя існуючых ліній, цягавых і трансфарматарных падстанцый, засваенне найноўшай апаратуры дыягностыкі электратэхнічнага абсталявання, кабельных ліній і кантактнай сеткі.

Чыгуначная электратэхнічная лабараторыя праводзіць навукова-даследчыя работы, дыягностыку абсталявання, займаецца засваеннем найноўшых прыстасаванняў тэлемеханiкi.

Фотагалерэя