Пасажыры ацанілі новы фармат
14 сентября 2015
Споўнілася чатыры гады з моманту адкрыцця на Беларускай чыгунцы рэгулярнага руху цягнікоў гарадскіх ліній. За гэты час яны перавезлі больш за 8,6 мільёна пасажыраў.
Новы фармат перавозак распачаўся з рэгулярнага руху электрапаяздоў па маршруце Мінск-Пасажырскі — Ждановічы — Беларусь (Заслаўе). У далейшым цягнікі гарадскіх ліній звязалі Мінск з яшчэ адным горадам-спадарожнікам — Рудзенскам.
— За мінулы перыяд новы від перавозак трывала заняў сваю нішу на транспартным рынку сталіцы. Пра гэта сведчыць устойлівая тэндэнцыя росту папулярнасці цягнікоў гарадскіх ліній, — канстатуюць спецыялісты магістралі. — Так, за студзень—жнівень гэтага года імі перавезена больш за 2,1 мільёна пасажыраў, што амаль на 32 працэнты перавысіла ўзровень аналагічнага перыяду мінулага года.
Факт
Сёння гарадскія лініі даюць пасажырам у камфортных умовах і з мінімальнымі выдаткамі часу дабрацца з Заслаўя і Рудзенска ў Мінск і назад. У гарадскіх зносінах перавозку забяспечваюць шэсць сучасных электрапаяздоў швейцарскай вытворчасці.
Сяргей Расолька
Звязда
http://zviazda.by/2015/09/100539.html
12.09.2015
К списку новостей за 2015 год